១) ប៉ូលិសរបស់ប្រទេស ម៉ារ៉ុក បានចាប់ខ្លួនបុរស បែលហ្សិក ៣ នាក់ដែលពួកគេជាប់សង្ស័យថាមានចំណងទាក់ទងជាមួយក្រុមរដ្ឋឥស្លាម ISIS ដែលពួកគេទាំងនេះមានទំនាក់ទំនងដោយផ្ទាល់ជាមួយជនដែលវាយប្រហារនៅប៉ារីស នេះបើតាមក្រសួងមហាផ្ទៃរបស់ប្រទេសម៉ារ៉ុកថ្លែងកាលពីថ្ងៃច័ន្ទម្សិលមិញ។
២) រដ្ឋមន្ត្រីក្រសួងបរិស្ថានប្រទេសកូរ៉េខាងត្បូង ថ្លែងថាខ្លួនគ្រោងនឹងដាក់ពាក្យបណ្ដឹងនៅរសៀលថ្ងៃអង្គារនេះដើម្បីប្តឹងប្រឆាំងជំទាស់នឹងប្រធានក្រុមហ៊ុន Volkswagen AG និងប្រធានក្រុមហ៊ុន Audi AG ប្រចាំប្រទេសកូរ៉េខាងត្បូង លើការប្រើប្រាស់កម្មវិធីបន្លំការបញ្ចេញផ្សែងពុលរបស់រថយន្តពេលធ្វើ ពិសោធន៍មុននាំចូលប្រទេសកូរ៉េខាងត្បូង។
៣) បុគ្គលិកក្រុមហ៊ុន Apple នៅក្នុងទីក្រុង Cork ប្រទេស អៀរឡង់ ត្រូវបានគេជម្លៀសចេញពីកន្លែងធ្វើការងារ កាលពីថ្ងៃច័ន្ទបន្ទាប់ពីមានការគំរាមតាមអ៊ីនធឺណិត ថានឹងមានការវាយប្រហារលើក្រុមហ៊ុន។ បន្ទាប់ពីប៉ូលិសបានឆែកឆេររួចរាល់ហើយនោះ ពេលនេះបុគ្គលិកបានវិលចូលធ្វើការធម្មតាវិញហើយ។
៤) នាយករដ្ឋមន្ត្រីប្រទេស ម៉ាឡេស៊ី លោក Najib Razak បានបញ្ជាឲ្យប៉ូលិស និង យោធាអនុវត្តបន្ទាន់មួយ នូវការល្បាត នៅតាមទីសាធារណៈ រួមទាំងកន្លែងដែលទាក់ទាញភ្ញៀវទេសចរច្រើន នៅក្នុងទីក្រុង កូឡាឡាំពួរ ក្រោយមានការវាយប្រហារនៅហ្សាកាតាកាលពីសប្ដាហ៍មុនរួចមក។
៥) ប្រទេស ឥណ្ឌូណេស៊ី កំពុងត្រៀមរៀបចំខ្លួនសាជាថ្មីដើម្បីទប់ទល់នឹងការវាយប្រហារអត្តឃាតណាមួយពីសំណាក់ក្រុមរដ្ឋឥស្លាម ISIS ចេញមកពីតំបន់មជ្ឈិមបូព៌ា ដែលមានសមត្ថភាព ធ្វើការវាយប្រហារទ្រង់ទ្រាយធំជាងការវាយប្រហារនៅកណ្ដាលក្រុង ហ្សាកាតា កាលពីសប្ដាហ៍មុន ក្រោយទទួលដំណឹងថាមានជនសកម្មប្រយុទ្ធសញ្ជាតិឥណ្ឌូណេស៊ីចំនួន ១០០ ដែលទៅចូលរួមជាមួយក្រុមរដ្ឋឥស្លាមនៅស៊ីរី មកវិលចូលមកឥណ្ឌូណេស៊ីវិញហើយ។
៦) តន្ត្រីការផ្នែក ហ្គីតា លោក Glenn Frey ដែលជាសមាជិកស្ថាបនិកក្រុមតន្ត្រី Rock ដែលមានឈ្មោះថា Eagles បានទទួលមរណភាពហើយ នៅក្នុងទីក្រុង New York នៅថ្ងៃអង្គារនេះក្នុងអាយុ ៦៧ ឆ្នាំ។ លោក Glenn Frey ទទួលមរណភាពដោយសារជំងឺរលាកសន្លាក់រ៉ាំរ៉ៃ រលាកពោះវៀនធំ និង រលាកសួត។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment