១) លោក Alan Rickman តារាសំដែងហូលីវូដក្នុងរឿង Die Hard និង ខ្សែភាពយន្ត Harry Potter បានទទួលមរណភាពហើយនៅក្នុងវ័យ ៦៩ ឆ្នាំដោយជំងឺមហារីក។ លោកទទួលមរណភាពនៅក្នុងស្រុកកំណើតរបស់លោកនាទីក្រុង ឡុងដុង ដែលលោកបានលាក់បាំងជំងឺលោកយូរមកហើយ។
២) ប្រទេស ឥណ្ឌូណេស៊ី ត្រូវតែពង្រឹងប្រព័ន្ធសន្តិសុខបន្ថែមទៀតដើម្បីប្រឆាំងនឹងក្រុមរដ្ឋឥស្លាម ISIS ហើយនិងត្រូវធ្វើការសហការគ្នាជាមួយប្រទេស ជិតខាងដើម្បីទប់ស្កាត់អំពើភេរវកម្ម នេះបើតាមសម្តីប៉ូលិសប្រចាំក្រុង ហ្សាកាតា ថ្លែងនៅថ្ងៃសុក្រនេះ ពោលគឺមួយថ្ងៃបន្ទាប់ពីមានការវាយប្រហារដោយគ្រាប់បែកអត្តឃាត និងការបាញ់តដៃគ្នារវាងប៉ូលិសនិងភេរវជន នៅកណ្តាលក្រុងហ្សាកាតារួមមក។
៣) ប្រទេសចិនមានគម្រោងបញ្ជូនយានអវកាសទៅចុះចតនៅលើភពព្រះចន្ទជាលើកដំបូងរបស់ខ្លួននៅក្នុងឆ្នាំ ២០១៨ ខាងមុខ ដើម្បីសម្រេចឲ្យបាននូវមហិច្ឆតាវិស័យអវកាសរបស់ខ្លួនជាលក្ខណៈប្រវត្តិសាស្ត្រនេះបើតាមសារព័ត៌មាន Xinhua។
៤) Bahrun Naim ដែលជាជនជ្រុលនិយមក្នុងតំបន់ត្រូវបានអាជ្ញាធរប្រទេសឥណ្ឌូណេស៊ីចោទប្រកាន់ថាជាមេខ្លោងនៅពីក្រោយការវាយប្រហារគ្រាប់បែកអត្តឃាត នៅចំកណ្ដាលទីក្រុង ហ្សាកាតា កាលពីម្សិលមិញ។
៥) សហព័ន្ធបាល់ទាត់ពិភពលោកហាត់កាត់ថា FIFA បានចេញសេចក្តីប្រកាស ហាមក្លឹបបាល់ទាត់ ធំពីរ របស់ពិភពលោកដែលមានមូលដ្ឋាននៅក្នុងប្រទេស អេស្ប៉ាញ ពោលគឺក្លឹប បាល់ទាត់ Real Madrid និង Atletico Madrid មិនឲ្យទិញកីឡាករចូលរហូតដល់ពេលបញ្ចប់រដូវកាល ២០១៦ ដោយសារក្រុមទាំងពីរបានល្មើសច្បាប់របស់សហព័ន្ធដែលទិញកីឡាករអាយុក្រោម ១៨ ឆ្នាំ។
៦) ប្រជាជនស៊ីរីច្រើនជាង ១ លាននាក់កំពុងរកគ្រោះអត់ឃ្លាន ក្រោយពីតំបន់៥២ ត្រូវបានបិទដោយកងកម្លាំងរដ្ឋាភិបាលស៊ីរី ដែលទង្វើនេះត្រូវបាន អគ្គលេខាធិការអង្គការសហប្រជាជាតិលោក Ban Ki-Moon ហៅថា ការប្រើប្រាស់ការអាហារធ្វើជាអាវុធដើម្បីបង្អត់ប្រជាជន គឺជាឧក្រិដ្ឋកម្មសង្គ្រាម។
ប្រភព៖Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment