កងកម្លាំងអ៊ីរ៉ាក់ ដណ្ដើមបានមូលដ្ឋានទ័ព IS នៅក្រុង Ramadi វិញហើយ
មូលដ្ឋានទ័ពរបស់ក្រុមភេរវករ ISIS នៅប្រទេសអ៊ីរ៉ាក់ ដែលបានកាន់កាប់តាំងពីខែមេសាកន្លងទៅ ពេលនេះកងកម្លាំងរដ្ឋាភិបាលអ៊ីរ៉ាក់ ដណ្ដើមបានមកវិញហើយ។
កងទាហានអ៊ីរ៉ាក់បានប្រកាសជ័យជំនះទាំងស្រុងនេះ កាលពីថ្ងៃអាទិត្យម្សិលមិញ ដោយប្រកាសថា “បរិវេណក្នុងទីក្រុង គ្មានសកម្មប្រយុទ្ធ ISIS ម្នាក់ទៀតឡើយ”។ នេះជាជោគជ័យគួរឲ្យកត់សម្គាល់មួយទៀត របស់កងកម្លាំងអ៊ីរ៉ាក់ ចាប់តាំងពីក្រុមភេរវករខាងលើចេញពីស៊ីរី ចូលអ៊ីរ៉ាក់មក។
បើតាមសេចក្ដីរាយការណ៍ យោធាអ៊ីរ៉ាក់ បានសម្លាប់សកម្មប្រយុទ្ធ ISIS អស់ជាង ៥០នាក់ ក្នុងប្រតិបត្តិការជាង ៤៨ម៉ោងកន្លងទៅ។ ចំណែកគ្រួសារមួយរស់នៅទីក្រុងប្រាប់ថា ពួកគេត្រូវបានគ្នីគ្នា ISIS ចាប់ធ្វើជាខែល ដើម្បីក្រុមភេរវករអាចចាកចេញពីទីក្រុងនេះបាន។
Ramadi ជាក្រុងសំខាន់របស់ខេត្ត Anbar ដែលមានទន្លេ Euphrate River និងស្ថិតនៅភាគខាងលិចទីក្រុងបាដាដ។ Ramadi ក៏ជាទីក្រុងសំខាន់ទីពីរដែរ ដែលដណ្ដើមបានដោយរដ្ឋាភិបាលអ៊ីរ៉ាក់ បន្ទាប់ពីទីក្រុង Tikrit ដែលដណ្ដើមបានកាលពីខែមេសាកន្លងទៅ។ មន្ត្រីរដ្ឋាភិបាលនិយាយថា ខ្លួននឹងប្រគល់ក្រុង Ramadi ទៅឲ្យប៉ូលិសក្នុងតំបន់គ្រប់គ្រងដូចធម្មតាវិញ នាពេលខាងមុខឆាប់ៗនេះ៕
0 comments:
Post a Comment