កំពង់ផែនៅភាគអាគ្នេយ៍ចក្រភពអង់គ្លេសបានក្លាយជាខ្សែព្រំដែន ដែលមានប្រព័ន្ធសន្តិសុខទាបបំផុតសម្រាប់ប្រទេសអង់គ្លេស នេះបើយោងតាមកាសែត The New York Times។ Abdelhamid Abaaoud ដែលជាអ្នករៀបចំរចនាសម្ព័ន្ធ ការវាយប្រហារអត្តឃាត កាលពីខែវិច្ឆិកានៅប៉ារីសកន្លងទៅ ត្រូវបានគេរាយការណ៍ថា ជនរូបនេះបានឆ្លងចូលទៅដល់ប្រទេស អង់គ្លេសហើយ ទោះបីរូបគេជាប់ឈ្មោះនៅក្នុងបញ្ជីឈ្មោះមេភេរវកម្មដែលអន្តរជាតិកំពុងត្រូវការចាប់ខ្លួនក៏ដោយ ក្រោយពីបរាជ័យលើគម្រោងវាយប្រហារនៅបែលហ្សិក កាលពីដើមឆ្នាំនេះ។
Abdelhamid Abaaoud បានទៅចូលរួមជាមួយក្រុមរដ្ឋឥស្លាម ISIS, ISIL ឬ ហៅថា Daesh នៅក្នុងឆ្នាំ ២០១៤ រូបភាព និង ខ្សែវីដេអូ នៃជនរូបនេះនៅក្នុងប្រទេសស៊ីរី ក៏ត្រូវបង្ហាញចេញតាមសារព័ត៌មាននៅក្នុងឆ្នាំដដែលនោះផងដែរ។ ប៉ុន្តែអាជ្ញាធរ មិនបានបង្ហាញឲ្យជាក់លាក់នៅថ្ងៃដែល Abdelhamid Abaaoud ធ្វើដំណើរចូលទៅកាន់អង់គ្លេសនោះទេ គេគ្រាន់តែដឹងថាជនរូបនេះបានឆ្លងចូលតាមច្រកកំពង់ផែ Doverភាគអាគ្នេយ៍ ប្រទេស អង់គ្លេស ដោយមន្ត្រីប៉ូលិសបានស្វែងរកឃើញនូវរូបថតផ្លាកសម្គាល់សំខាន់ៗនៅក្នុងទីក្រុងឡុងដុង ក្នុងទូរស័ព្ទដៃរបស់ Abdelhamid Abaaoudនេះបើយោងតាមកាសែត The New York Times។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment