នៅថ្ងៃនេះគេហទំព័រ TheBnews សូមលើកយកពីប្រភពធនធានធម្មជាតិកកើតឡើងវិញមួយមកបរិយាយ គឺប្រភពកម្ដៅដែលបំភាយចេញពីក្នុងផែនដី។ កម្ដៅដែលចេញពីស្នូលផែនដី ត្រូវបានគេយកមកបន្លែងធ្វើជាថាមពលអគ្គិសនីប្រើប្រាស់ ក្នុងមធ្យោបាយជាច្រើន។ ថាមពលកម្ដៅនេះត្រូវបានគេស្គាល់ច្បាស់ថា ជាប្រភពកម្ដៅដោយផែនដី (Geothermal Energy) ដែលមានស្ទើរគ្រប់ទីកន្លែងទាំងអស់ ហើយវាក៏ជាប្រភពធនធានដដែលកកើតឡើងវិញផងដែរ។
តើអ្វីទៅជាថាមពលកម្ដៅផែនដីដែលកើតចេញពីជម្រៅផែនផ្ទៃផែនដីនោះ?
កម្ដៅដែលផែនដីបង្កើត គឺបង្កើតចេញពីចំណុចស្នូលនៃផ្ទៃផែនដី។ នៅក្នុងជម្រៅដី ៦៤៣៧ គីឡូម៉ែត្រ មានកម្រិតសីតុណ្ហភាពដូចទៅនឹងផ្ទៃព្រះអាទិត្យដែរ គឺមានកម្ដៅរហូតដល់ទៅ ៥ ៥០០ អង្សា។ ក្រុមអ្នកវិទ្យាសាស្ត្រ បានប៉ានស្មានថាមានកម្លាំងថាមពលប្រមាណជា ៤២ លានមេហ្គាវ៉ាត់ (Megawatts) ដែលបង្កើតចេញពីចំណុចស្នូលនៃផែនដី។ បន្ថែមពីលើនេះកម្ដៅថាមពលផែនដីជាប្រភពធនធានដែលកើតឡើងវិញ ដែលវាបានផ្ដល់គុណសម្បត្តិយ៉ាងធំសម្រាប់ឲ្យមនុស្សយកមកប្រើប្រាស់ដោយមិនចេះរីងស្ងួត។
មួយវិញទៀត នៅជុំវិញស្នូលផែនដីនេះផងដែរមាននូវស្រទាប់ដីក្ដៅ និង ពពួកថ្មភ្នំភ្លើង ដែលគេហៅថា កម្អែលភ្នំភ្លើង ហើយភាគច្រើននៅក្នុងស្រទាប់មួយនេះគឺប្រមូលផ្ដុំដោយ សារធាតុវិទ្យុសកម្មធម្មជាតិ ដូចជាសារធាតុ អ៊ុយរ៉ាញូម (Uranium) និង ប៉ូតាស្សូម (Potassium)។ រីឯកម្ដៅផ្ទៃផែនដីក្នុងជម្រៅ ១០ ០០០ ម៉ែត្រពីផ្ទៃផែនដីវិញ ប្រមូលផ្ដុំដោយប្រភពថាមពល ៥០ ០០០ ដងច្រើនជាងប្រេងនិងឧស្ម័នធម្មជាតិនៅលើផែនដីទៅទៀត។
នៅលើកក្រោយទៀត គេហទំព័រ TheBnews នឹងលើកយកពីដំណើរការនៃការទាញយកថាមពលកម្ដៅពីជម្រៅផែនដីមកប្រើប្រាស់វិញម្ដង។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment