១) ធ្វើឲ្យអ្នកកាន់តែមានភាពច្នៃប្រឌិត ៖ អ្នកស្រាវជ្រាវជឿថានៅពេលដែលមនុស្សមានភាពធុញទ្រាន់ អផ្សុក គឺជាពេលមួយដែលធ្វើឲ្យពួកគេផុសចេញនូវគំនិតដើមរបស់ខ្លួន ។ អ្នកចិត្តសាស្ត្រសញ្ជាតិអង់គ្លេស Sandi Mann និយាយថា ភាពអផ្សុក បានធ្វើឲ្យចិត្តមនុស្សវង្វេងហើយស្រមៃច្រើន ដែលនាំឲ្យពួកគេបង្កើតចេញនូវគំនិតច្នៃប្រឌិត ក្នុងវិធីមួយរបស់ពួកគេ។
២) ភាពអផ្សុកធ្វើឲ្យអ្នកយល់ឃើញពីភាពខុសឆ្គងរបស់ខ្លួន ៖ អ្នកសិក្សាស្រាវជ្រាវ និង សាស្ត្រាចារ្យ ផ្នែកទស្សនៈវិជ្ជា Andreas Elpidorou បានពន្យល់នៅក្នុងអត្ថបទបោះពុម្ពផ្សាយរបស់លោកថា ភាពអផ្សុក បានដើរតួជាអ្នកគ្រប់គ្រងចិត្តចិត្តរបស់អ្នក ឲ្យនឹកឃើញឡើងវិញនូវរឿងមួយដែលជាភាគខុសឆ្គងរបស់ខ្លួន ទៅលើរឿងអ្វីមួយដែលខ្លួនបានប្រព្រឹត្ត។
៣) ភាពអផ្សុកជួយបង្កើនការតម្រង់ទិស ទៅរកគោលដៅរបស់អ្នក ៖ នៅក្នុងការស្រាវជ្រាវមួយធ្វើឡើងដោយអឺរ៉ុប និង អ្នកស្រាវជ្រាវអាមេរិក រកឃើញថា នៅពេលដែលចិត្តរបស់មនុស្សវង្វេង ជាមួយភាពអផ្សុករបស់ខ្លួន ពួកគេមិនបានគិតពីអ្វីដែលកំពុងកើតឡើងនៅជុំវិញខ្លួននោះឡើយ ពួកគេភាគច្រើនមានការគិតច្រើនទៅនឹងរឿងអនាគតរបស់ខ្លួន ដែលនៅក្នុងដំណាក់កាលនេះត្រូវអ្នកស្រាវជ្រាវហៅថា Autobiographical Planning ដែលមនុស្សភាគច្រើនតែងបង្កើត ឬ ហៅម្យ៉ាងទៀតថា យល់សប្ដិទាំងថ្ងៃ។
៤) ជួយឲ្យអ្នកអាចបង្កើនផលិតភាពការងារ ៖ អ្នកវិទ្យាសាស្ត្រនៅសាកលវិទ្យាល័យ Bar-Ilan University រកឃើញថា ការយល់សប្ដិទាំងថ្ងៃ (Daydreaming) បានជះផលវិជ្ជមាន ទៅលើកិច្ចការងារដោយការយល់សប្ដិទាំងថ្ងៃ មិនបានធ្វើឲ្យប៉ះពាល់ដល់ការងារនោះទេ គឺវាបានជួយផលិតភាពការងារថែមទៀត។
៥) ជួយធ្វើឲ្យអ្នកជាមនុស្សកាន់តែប្រសើរឡើង ៖ អ្នកស្រាវជ្រាវនៅក្នុងប្រទេស អៀរឡង់ ជឿថាភាពអផ្សុក អាចនាំមនុស្សទៅធ្វើការងារដែលមានសារប្រយោជន៍ សម្រាប់សាធារណៈ ដោយពួកគេរកឃើញថាមនុស្សដែលអផ្សុកមានទំនោរធ្វើការងារសង្គមច្រើនដូចជា បរិច្ចាគឈាម សកម្មភាពសប្បុរសធម៌ជាដើម។
0 comments:
Post a Comment