ចាប់តាំងពីឆ្នាំ ១៧៨៩ ជាឆ្នាំដែលលោក George Washington បានក្លាយជាប្រធានាធិបតីទី១ របស់អាមេរិករហូតមកដល់ប្រធានាធិបតីចុងក្រោយ Barack Obama មកដល់ឆ្នាំ ២០១៥ នេះ អាមេរិកមានប្រធានាធិបតីចូលកាន់តំណែងសរុប ៤៤ នាក់ហើយ។
ប្រធានាធិបតីនីមួយៗសុទ្ធតែបានបន្សល់ទុកស្នាដៃរៀងខ្លួនដល់ប្រជាជនជំនាន់ក្រោយរបស់មហាអំណាចមួយនេះ។ ប៉ុន្តែ បើនិយាយពីកម្រិតឆ្លាតវៃវិញ គឺថា មានប្រធានាធិបតីអាមេរិក ចំនួន ១៥ រូបខាងក្រោមនេះដែលមានពិន្ទុ IQ ខ្ពស់ជាងគេ។
១៥) លោក Franklin Pierce
លោក Franklin Pierce គឺជាប្រធានាធិបតីទី ១៤ របស់អាមេរិកដែលបានចូលកាន់តំណែងនៅចន្លោះឆ្នាំ ១៨៥៣ ដល់ ឆ្នាំ ១៨៥៧។ ជានិស្សិតមកពីសាកលវិទ្យាល័យ Bowdoin (Bowdoin College) លោកមានពិន្ទុ IQ ១៤១ និង បានក្លាយជាសមាជិកសភានៅអាយុ ២៤ ឆ្នាំ។
១៤) លោក John Tyler
លោក John Tyler គឺជាប្រធានាធិបតីទី ១០ របស់អាមេរិកដែលបានចូលកាន់តំណែង ១៨៤១ ដល់ ឆ្នាំ ១៨៤៥។ ជានិស្សិតមកពីមហាវិទ្យាល័យ William (College of William) លោកមានពិន្ទុ IQ ១៤២។ លោកត្រូវបានគេអះអាងថា លោកជោគជ័យច្រើនក្នុងពេលកាន់តំណែង និង បង្កើតច្បាប់នានាដើម្បីការពារក្រុមហ៊ុនឯកជននៅសម័យនោះ។
១៣) លោក Millard Fillmore
បានចូលកាន់តំណែងពីឆ្នាំ ១៨៥០ ដល់ ឆ្នាំ ១៨៥៣ លោក Millard Fillmore គឺជាប្រធានាធិបតីទី ១៣ របស់អាមេរិក។ លោកត្រូវបានគេអះអាងថា បានក្លាយជាមេធាវីនៅក្នុងអាយុ ២៣ ឆ្នាំ ហើយក្រោយមកបានត្រូវជ្រើសតាំងជាសមាជិកសភា ខណៈដែលពិន្ទុ IQ របស់លោកមានចំនួន ១៤៣ ពិន្ទុ។
១២) លោក Franklin Delano Roosevelt
លោក Franklin Delano Roosevelt គឺជាប្រធានាធិបតីទី ៣២ របស់អាមេរិក ដែលបានចូលកាន់តំណែងរហូតដល់ទៅ៤ អាណត្តិចាប់ពីឆ្នាំ ១៩៣៣ ដល់ឆ្នាំ ១៩៤៥។ ជានិស្សិតមកពីសាកលវិទ្យាល័យ Harvard ( Harvard University) និង សាកលវិទ្យាល័យ Columbia (Columbia Law School) លោកមានពិន្ទុ IQ ១៤៦។
១១) លោក Abraham Lincoln
លោក Abraham Lincoln គឺជាប្រធានាធិបតីទី ១៦ របស់អាមេរិកដែលបានចូលកាន់តំណែងនៅចន្លោះពីឆ្នាំ ១៨៦១ ដល់ឆ្នាំ ១៨៦៥ ជាឆ្នាំដែលលោកត្រូវបានគេធ្វើឃាតកម្ម។ លោកគឺជាប្រធានាធិបតីមួយរូបដែលល្បីថា មានចំណេះដឹងដោយសាររៀនពីខ្លួនឯង និង ទទួលបានពិន្ទុ IQ ១៤៨ ពិន្ទុ។
១០) លោក Chester Arthur
លោក Chester Arthur គឺជាប្រធានាធិបតីទី ២១ របស់អាមេរិកដែលបានចូលកាន់តំណែង ១៨៨១ ដល់ឆ្នាំ ១៨៨៥ ជាឆ្នាំដែលលោកត្រូវបានគេធ្វើឃាតដូចប្រធានាធិបតី Abraham Lincoln ដែរ។ ជាអតីតនិស្សិតមកពីមហាវិទ្យាល័យ Union College លោកត្រូវបានគេទទួលស្គាល់ថា ជាប្រធានាធិបតីកំណែទម្រង់និយម។ លោកមានពិន្ទុ IQ ១៤៨ ពិន្ទុ។
៩)លោក James Garfield
លោក James Garfield គឺជាប្រធានាធិបតីទី ២០ របស់អាមេរិកដែលបានចូលកាន់តំណែងនៅក្នុងឆ្នាំ ១៨៨១ និង ត្រូវបានគេធ្វើឃាតនៅក្នុងឆ្នាំ ១៨៨២ ពោលគឺរយៈពេល ២០០ថ្ងៃក្រោយចូលកាន់តំណែង។ ជានិស្សិតមកពីសាកលវិទ្យាល័យ Williams (Williams College) លោកមានពិន្ទុ IQ ១៤៨។
៨) លោក Theodore Roosevelt
លោក Theodore Roosevelt បានក្លាយជាប្រធានាធិបតីទី ២៦ របស់អាមេរិក និង ជាប្រធានាធិបតីចូលកាន់តំណែងវ័យក្មេងជាងគេក្នុងប្រវត្តិសាស្ត្រនៅអាយុ ៤២ ឆ្នាំ។ ជានិស្សិតមកពីសាកលវិទ្យាល័យ Harvard និង សាកលវិទ្យាល័យ Columbia លោកមានពិន្ទុ IQ ១៤៩ ពិន្ទុ។
៧) លោក Woodrow Wilson
ជាប្រធានាធិបតីទី ២៨ របស់អាមេរិក លោក Woodrow Wilson ត្រូវបានគេរកឃើញថា មានពិន្ទុ IQ ១៥២ ពិន្ទុ។ លោកបានចូលកាន់តំណែងជាប្រធានាធិបតីនៅក្នុងឆ្នាំ ១៩១៣ ដល់ឆ្នាំ ១៩២១។ ជាអតីតនិស្សិតមកពីសាកលវិទ្យាល័យ Princeton ( Princeton University) គេទទួលស្គាល់ភាពល្បីល្បាញរបស់លោកតាមរយៈសន្ទរកថា “១៤ ចំណុច ឬ Fourteen Points” ទៅសភាអាមេរិកដើម្បីបញ្ចប់សង្គ្រាមលោកលើកទី១។
៦) លោក Jimmy Carter
លោក Jimmy Carter គឺជាប្រធានាធិបតីទី ៣៩ របស់អាមេរិកដែលបានចូលកាន់តំណែងចាប់ពីឆ្នាំ ១៩៧៧ ដល់ ឆ្នាំ ១៩៨១។ ជាអតីតនិស្សិតមកពីសាកលវិទ្យាល័យបណ្ឌិតសភា Naval ( Naval Academy) លោកត្រូវបានគេរកឃើញថា មានពិន្ទុ IQ ១៥៣ ពិន្ទុ។ លោកធ្លាប់ទទួលបានពានរង្វាន់ណូបែលសន្តិភាពកាលពីឆ្នាំ ២០០២ លើកិច្ចការសិទ្ធិមនុស្សនៅជុំវិញពិភពលោក។
៥) លោក James Madison
លោក James Madison គឺជាបិតាច្បាប់រដ្ឋធម្មនុញ្ញរបស់អាមេរិក (fathers of the Constitution) និង ជាប្រធានាធិបតីទី ៤ របស់មហាអំណាចមួយនេះ។ ជាអតីតនិស្សិតមកពីសាកលវិទ្យាល័យ Princeton (Princeton University) លោកបានចូលកាន់តំណែងពីឆ្នាំ ១៨០៩ ដល់ឆ្នាំ ១៨១៧ ជាមួយនឹងពិន្ទុ IQ ១៥៥ ពិន្ទុ។
៤) លោក Bill Clinton
លោក Bill Clinton គឺជាប្រធានាធិបតីទី ៤២ របស់អាមេរិក ដែលបានចូលកាន់តំណែងក្នុងឆ្នាំ ១៩៩៣ ដល់ឆ្នាំ ២០០១។ ជាអតីតនិស្សិតមកពីសាកលវិទ្យាល័យ Oxford (Oxford University) និង ជានិស្សិតច្បាប់មកពីសាកលវិទ្យាល័យ Yale (Yale University) លោកមានពិន្ទុ IQ ១៥៦ ពិន្ទុ។
៣) លោក John F. Kennedy
John Fitzgerald Kennedy គឺជាប្រធានាធិបតីទី ៣៥ របស់អាមេរិកដែលបានចូលកាន់តំណែងនៅក្នុងឆ្នាំ ១៩៦១ ដល់ឆ្នាំ ១៩៦៣ ជាឆ្នាំដែលលោកត្រូវបានគេធ្វើឃាត។ លោកជាអតីតនិស្សិតមកពីសាកលវិទ្យាល័យ Harvard លោកមានពិន្ទុ IQ ១៥៨ ពិន្ទុ។ លោកមានភាពល្បីល្បាញតាមរយៈសម្តីមាស “កុំសួរថា ប្រទេសរបស់អ្នកបានធ្វើអ្វីខ្លះសម្រាប់អ្នក ត្រូវសួរថា តើអ្នកបានធ្វើអ្វីខ្លះសម្រាប់ប្រទេសរបស់អ្នក-Ask not what your country can do for you — ask what you can do for your country”។
២) លោក Thomas Jefferson
លោក Thomas Jefferson គឺជាប្រធានាធិបតីទី ៣ របស់អាមេរិកដែលបានចូលកាន់តំណែងចាប់ពីឆ្នាំ ១៨០១ ដល់ឆ្នាំ ១៨០៩។ ជាអតីតនិស្សិតមកពីមហាវិទ្យាល័យ College (College of William) លោកគឺជាបិតាស្ថាបនិករបស់អាមេរិក (Founding Father) និងជាប្រធានាធិបតីដែលប៉ិនប្រសព្វក្នុងការថ្លែងសន្ទរកថាជាសាធារណៈ។ លោកមានពិន្ទុ IQ ១៦០ពិន្ទុ។
១) លោក John Adams
លោក John Adams គឺជាប្រធានាធិបតីទី ២ របស់អាមេរិកដែលបានចូលកាន់តំណែងចាប់ពីឆ្នាំ ១៧៩៧ ដល់ឆ្នាំ ១៨០១។ ជានិស្សិតច្បាប់មកពីសាកលវិទ្យាល័យ Harvard លោកគឺជាប្រធានាធិបតីដែលដឹកនាំឲ្យមានចលនាទាមទារឯករាជ្យពីប្រទេសអង់គ្លេស។ លោកមានពិន្ទុ IQ ១៧៣ ពិន្ទុ៕
ប្រភព៖ Thebnews
0 comments:
Post a Comment