១) ជនជាតិអាមេរិកបីរូបត្រូវបានចាប់ជំរិតដោយក្រុមសកម្មប្រយុទ្ធ នៅក្នុងរដ្ឋធានី បាដាត ប្រទេស អ៊ីរ៉ាក់ នេះបើតាមបណ្តាញសារព័ត៌មានអារ៉ាប់ Al Arabiya រាយការណ៍នៅថ្ងៃអាទិត្យម្សិលមិញ។ ជនជាតិអាមេរិក ៣ នោះបានបាត់ខ្លួនអស់រយៈពេល ២ ថ្ងៃកន្លងមកហើយ នេះបើតាមមន្ត្រីសន្តិសុខប្រចាំក្រុងបាដាត។
២) ប្រទេស Burkina Faso បានចាប់ផ្តើមពិធីកាន់ទុក្ខជាតិរយៈពេល ៣ ថ្ងៃចាប់តាំងពីថ្ងៃអាទិត្យម្សិលមិញ ដោយប្រធានាធិបតីប្រទេសនេះថ្លែងថាសន្តិសុខក្នុងរដ្ឋធានាត្រូវបានរឹតបន្តឹង និង នៅតាមព្រំដែនផងដែរ បន្ទាប់ពីក្រុម al-Qaida បានវាយប្រហារទៅលើសណ្ឋាគារ និង ហាងកាហ្វេដ៏ពេញនិយមមួយសម្រាប់ភ្ញៀវបរទេសដែលបណ្តាលឲ្យមនុស្សយ៉ាងហោចណាស់ ២៨ នាក់ស្លាប។
៣) មន្ត្រីប៉ូលិស ប្រទេស ម៉ាឡេស៊ី នៅថ្ងៃច័ន្ទនេះបានចេញសេចក្តីព្រមានខ្លាំងៗទៅលើជនណាដែលដើរឃោសនាថាអាចនឹងមានការវាយប្រហារកើតឡើងនៅជុំវិញរដ្ឋធានីរបស់ម៉ាឡេស៊ី។
៤) បណ្តាញសារព័ត៌មានចិននៅថ្ងៃច័ន្ទនេះ បានព្រមានបេក្ខភាពប្រធានាធិបតី តៃវ៉ាន់ លោកស្រី Tsai Ing-wen ដែលប្រឆាំងចិនចង់ផ្តាច់ទឹកដីចេញពីចិនដីគោក ដោយចិនថាខ្លួនហានប្រើគ្រប់សកម្មភាពទាំងអស់ដើម្បីវាយបំបាក់ប្រសិនមានការប្រកាសឯករាជ្យណាមួយ។
៥) ក្រុមឧទ្ទាម ឃឺដ បានធ្វើការបំផ្ទុះនៅតាមផ្លូវភាគខាងត្បូងប្រទេស ទួរគី កាលពីយប់មិញដែលបានបណ្តាលឲ្យមន្ត្រីប៉ូលិស ៣ នាក់បានបាត់បង់ជីវិត នេះបើតាមការថ្លែងពីភ្ញាក់ងារសន្តិសុខក្នុងតំបន់។
៦) បុរសដែលមានតែខួរក្បាលខាងឆ្វេងមួយរូបបានស្លាប់បាត់បង់ជីវិតហើយបន្ទាប់ពីធ្វើការពិសោធន៍ថ្នាំ នៅភាគខាងជើងប្រទេសបារាំង កាលពីថ្ងៃអាទិត្យម្សិលមិញ នេះបើតាមការថ្លែងប្រាប់ពីមន្ទីរពេទ្យដែលបុរសនោះសម្រាកព្យាបាល។ មន្ទីរពេទ្យ Rennes ថ្លែងថា មនុស្សស្ម័គ្រចិត្តមកធ្វើការពិសោធន៍ថ្នាំ ៥ រូបផ្សេងទៀតបានស្ថិតមកក្នុងស្ថានភាពប្រក្រតីវិញហើយ។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment