ឃ្លាសាមញ្ញទាំង ១០ ដែលបង្កប់ដោយឥទ្ធិពលដើម្បីបង្កើនភាពជាអ្នកដឹកនាំឲ្យកាន់តែល្អប្រសើរ
១) ខ្ញុំសូមអគុណ
ការកោតសរសើរ គឺជាការលើកទឹកចិត្ត និង ជំរុញទឹកចិត្ត ហើយការនិយាយថាអគុណ គឺជារឿងដ៏សាមញ្ញ និង មិនចំណាយប្រាក់អ្វីទាំងអស់ដើម្បីបង្ហាញពីការកោតសរសើរនរណាម្នាក់។ ការយកចិត្តទុកដាក់ ចំពោះភាពជោគជ័យនរណាម្នាក់ គឺជាផ្តល់នូវទំនុកចិត្តបន្ថែមទៀតដល់ពួកគេ និង ក្រុមការងាររបស់អ្នក ដែលវាជាការបង្ហាញគំរូដ៏ល្អ នៃភាពជាអ្នកដឹកនាំរបស់អ្នក។
២) អាចប្រាប់ខ្ញុំបន្ថែមលើសនេះបានទេ
ភាពជោគជ័យនៃអ្នកដឹកនាំ គឺជាមនុស្សដែលមានការចាប់អារម្មណ៍ចំពោះគំនិតបង្កើតថ្មីរបស់មនុស្សដទៃ ហើយតែងតែចង់ដឹងច្រើន ពីគំនិតរបស់មនុស្សដទៃ។
៣) ខ្ញុំពិតជាមានមោទនភាពចំពោះអ្នក
អ្នកដឹកនាំដែលគួរឲ្យគោរព គឺជាមនុស្សដែលមានចិត្តសប្បុរស ជាមួយនឹងពាក្យលើកទឹកចិត្តទៅកាន់មនុស្សដទៃ។ នៅពេលដែលអ្នកតែងធ្វើការកត់សម្គាល់ និង ទទួលស្គាល់នៅនូវការងារលំបាកទាំងឡាយដែលក្រុមការងារសម្រេចបាន នោះអ្នកគួរផ្ដល់កិត្តិយសជូនពួកគេមិនមែនខ្លួនឯងដែលជាអ្នកដឹកនាំពួកគេនោះឡើយ។
៤) តើអ្នកគិតយ៉ាងម៉េចដែរ?
មានពាក្យមួយតែងពោលថា ស្តាប់ឲ្យច្រើនជាងនិយាយ។ ក្នុងនាមជាអ្នកដឹកនាំមួយរូប នៅពេលដែលអ្នកពន្យល់ដល់ក្រុមការងាររបស់អ្នកនូវអ្វីដែលត្រូវធ្វើហើយ អ្នកគួរតែចេះសួរពួកគេត្រលប់វិញតើពួកគេយល់យ៉ាងណាចំពោះអ្វីដែលនិយាយ និង ដើម្បីដឹងថាតើពួកគេទទួលបានការយល់កម្រិតណាសម្រាប់ការនិយាយរបស់អ្នក ហើយវាក៏បង្ហាញពីភាពបើកទូលាយមួយសម្រាប់អ្នក និងពួកគេដើម្បីវែកញែកពិភាក្សាគ្នា។
៥) វាជាការសម្រេចចិត្តរបស់អ្នក
នៅពេលដែលអ្នកផ្តល់សិទ្ធឲ្យនរណាម្នាក់ធ្វើការសម្រេចចិត្តលើរឿងអ្វីមួយ នោះមានន័យថាអ្នកកំពុងលើកទឹកចិត្តពួកគេ ឲ្យបង្កើតភាពជាអ្នកដឹកនាំដោយខ្លួនពួកគេផ្ទាល់ និងជំរុញឲ្យបង្កើតនៃភាពជឿជាក់ និងមានភាពឯករាជក្នុងការគិតពិចារណាដោយខ្លួនឯង។
៦) អ្នកកំពុងធ្វើរឿងដ៏អស្ចារ្យ
មធ្យោបាយដ៏ល្អដើម្បីជួយឲ្យមនុស្សដទៃ ឈានទៅដល់កម្រិតកំពូល នៃសក្ដានុពលរបស់ពួកគេ គឺតាមរយៈការផ្ដល់ជូននូវការលើកទឹកចិត្ត។
៧) ខ្ញុំជឿលើអ្នក
មធ្យោបាយដ៏ល្អបំផុតដើម្បីបណ្ដុះឲ្យមានការជឿទុកចិត្ត គឺការផ្តល់ភាពជឿជាក់ទៅលើពួកគេ នៅពេលដែលមនុស្សនៅជុំវិញខ្លួនអ្នកពោរពេញដោយទំនុកចិត្ត រាល់គោលដៅ និងយុទ្ធសាស្ត្រទាំងឡាយដែលអ្នកដាក់ឲ្យពួកគេធ្វើ មានភាគរយខ្ពស់ក្នុងកាទទួលជោគជ័យ។
៨) ខ្ញុំសុំទោស
គ្មានអ្វីដែលមានសារសំខាន់ចំពោះបុគ្គលិក ជាងការនិយាយសុំទោសពីមេដឹកនាំខ្លួន មកកាន់បុគ្គលិកនោះទេ។ នេះជាសញ្ញាមួយដែលបង្ហាញពីភាពខ្លាំងរបស់អ្នកដែលហានទទួលស្គាល់កំហុសរបស់ខ្លួន ហើយវាក៏ជាការពញ្ញាក់ស្មារតីរបស់មនុស្សដទៃឲ្យធ្វើដូចអ្នកនៅពេលពួកគេប្រព្រឹត្តកំហុស។
៩) ខ្ញុំអត់ដឹង
មានគ្រប់រូបសុទ្ធតែមានចំណុចខ្លាំងនឹងចំណុចខ្សោយ រួមទាំងមេដឹកនាំផង នៅពេលដែលអ្នកហានសារភាពដោយដោយស្មោះត្រង់ចំពោះដែនកំណត់នៃចំណេះដឹងខ្លួនឯង នោះមានន័យថាអ្នកជាមនុស្សដែលចេះដាក់ខ្លួន ស្មោះត្រង់ និង មានទំនុកចិត្តចំពោះមនុស្សដទៃ។ នៅពេលដែលអ្នកកំពុងស្វែងរកចម្លើយណាមួយ នោះមានន័យថាអ្នកកំពុងដោះស្រាយបញ្ហា និង បើកចិត្តទូលាយដើម្បីទទួលយកយោបល់មកពីមនុស្សខាងក្រៅ។
១០) តើខ្ញុំអាចបម្រើអ្នកដោយវិធីណា?
ប្រសិនបើអ្នកចង់ជួយអ្នកដទៃឲ្យទទួលបានជោគជ័យ មធ្យោបាយដ៏ល្អ គឺតាមរយៈការសួរ ដើម្បីទទួលបាននូវចំណុចគោលដៅ ដែលពួកគេត្រូវការ។
ប្រភព៖ Thebnews
0 comments:
Post a Comment