ប្រទេសកូរ៉េខាងជើង ប្រហែលជាបាននឹងកំពុងរៀបចំ ការបាញ់សាកល្បងនូវ មីស៊ីល រយៈចម្ងាយឆ្ងាយឆាប់ៗ នៅក្នុងរង្វង់ពេលមួយសប្ដាហ៍ នេះបើតាមទីភ្នាក់ងារសារព័ត៌មាន ក្យូដូ (Kyodo) របស់ប្រទេសជប៉ុន រាយការណ៍នៅថ្ងៃព្រហស្បតិ៍នេះ ដោយបានដកស្រង់សម្ដីមន្ត្រី រដ្ឋាភិបាលជប៉ុនមួយរូបសុំមិនបញ្ចេញឈ្មោះ។ មានសញ្ញាអាចទៅរួចមួយដែលបង្ហាញថាកូរ៉េខាងជើង កំពុងត្រៀមរៀបចំបាញ់ មីស៊ីល រយៈចម្ងាយឆ្ងាយ ដោយពួកគេផ្អែកតាមការវិភាគរូបភាពថតចេញពី ផ្កាយរណប តំបន់ឆ្នេរភាគខាងលិចកូរ៉េខាងជើង មានឈ្មោះថា North's Tongchang-ri ដែលជាកន្លែងធ្វើការបាញ់សាកល្បង។
ការរាយការណ៍នេះបានលេចចេញក្រោយក្រុមប្រឹក្សាសន្តិសុខអង្គការសហប្រជាជាតិ កំពុងពិភាក្សាដាក់ទណ្ឌកម្មថ្មីបន្ថែមទៀតលើ ប្រទេស កូរ៉េខាងជើង បន្ទាប់ពីប្រទេសនេះបានធ្វើការបាញ់សាកល្បងគ្រាប់បែកនុយក្លេអ៊ែរ ជាលើកទី ៤ របស់ខ្លួនកាលពីថ្ងៃទី ០៦ មករា កន្លងទៅ ហើយប្រទេសក៏បានកំពុងស្ថិតនៅក្រោមការដាក់ទណ្ឌកម្ម រួចទៅហើយស្តីពីកម្មវិធីនុយក្លេអ៊ែររបស់ខ្លួន។
ប្រទេស កូរ៉េខាងជើង បានធ្វើការបាញ់សាកល្បង មីស៊ីលរយៈចម្ងាយឆ្ងាយជាលើកចុងក្រោយរបស់ខ្លួននៅក្នុងឆ្នាំ ២០១២ ដែលកូរ៉េខាងជើង អះអាងថាបានទទួលជោគជ័យ ក្នុងការបញ្ជូនផ្កាយរណបចូលទៅក្នុងគន្លងតារាវិថី ខណៈពេលដែលអ្នកជំនាញអះអាងថា នេះជាផ្នែកមួយនៃការអភិវឌ្ឍកម្មវិធី មីស៊ីលអន្តរទ្វីប ICBM (Intercontinental Ballistic Missile)។
ប្រភព៖ Thebnews
0 comments:
Post a Comment