១) ក្រដាសផែនទីផ្លូវទៅកាន់ក្រុមហ៊ុន
សូមអ្នកកុំទុកចិត្ត ការប្រើប្រាស់ ផែនទី ដែលនៅលើទូរស័ព្ទស្មាតហ្វូនខ្លាំងពេក ព្រោះពេលខ្លះវាមិនអាចដំណើរការ បានល្អរហូតនោះឡើយ។ ដូច្នេះជម្រើសដ៏ល្អ អ្នកគួរតែប្រើផែនទី ប្រចាំតំបន់ ឬ ព្រីនចេញនូវផែនទីផ្លូវរបស់ក្រុមហ៊ុនដែលអ្នកត្រូវធ្វើដំណើរទៅកាន់។
២) ត្រូវយកក្រដាសឯកសារ និង ប្រវត្តិរូបសង្ខេបរបស់អ្នកមកជាមួយ
ទោះបីជាពេលបច្ចុប្បន្ន ការដាក់ពាក្យសុំចូលបម្រើការងារមានភាពងាយស្រួលច្រើន ដែលបេក្ខជនអាចផ្ញើប្រវត្តិរូបសង្ខេប តាមសារអេឡិចត្រូនិក Email ក៏ដោយ អ្នកត្រូវចាំថាពេលគេណាត់ជួបអ្នកទៅសម្ភាសន៍អ្នកត្រូវព្រីន ច្បាប់ដើមរបស់អ្នក ឲ្យបានពីរ ទៅ បី ព្រោះពេលខ្លះអ្នកសម្ភាសន៍អ្នកអាចនឹងសួរ រក។
៣) ត្រូវមាន ប៊ិច ឬ ខ្មៅដៃ និង សៀវភៅកត់ត្រា
អ្នកដែលមានវិជ្ជាជីវៈ ច្បាស់លាស់ គេមិនដែលភ្លេច ប៊ិច ខ្មៅដៃ និង សៀវភៅសម្រាប់កត់ត្រារឿងសំខាន់ៗនោះឡើយ។ ការកត់ត្រា អាចជួយឲ្យអ្នកមានភាពចងចាំ និង ដោះស្រាយសំនួរបានយ៉ាងល្អ នៅពេលដែលអ្នកចេះធ្វើការកត់ត្រា។
៤) ត្រៀមសំនួរដើម្បីសួរក្រុមហ៊ុន
ជាធម្មតានៅចុងបញ្ចប់នៃកិច្ចសម្ភាសន៍ ក្រុមហ៊ុន តែងផ្តល់ឱកាសឲ្យអ្នក សួរសំនួរត្រលប់ទៅកាន់ពួកគេវិញ។ នៅត្រង់ចំណុចនេះ អ្នកមិនគួរឆ្លើយថាអ្នកគ្មានសំណួរនោះឡើយ យ៉ាងហោចណាស់អ្នកគួរត្រៀមសំនួរ ៣ ទៅ ៤ សំនួរដើម្បីសួរពួកគេវិញ ជាពិសេសសំនួរដែលទាក់ទងនឹងមុខតំណែងរបស់អ្នកទៅថ្ងៃមុខ ដើម្បីបង្ហាញថាអ្នកចាប់អារម្មណ៍ជាមួយមុខតំណែងមួយនេះ។
៥) ត្រូវស្លៀកពាក់ឲ្យបានសមរមពេលទៅសម្ភាសន៍
នៅពេលដែលទៅសម្ភាសន៍ការងារ អ្នកគួរតែបង្ហាញពីគំរូខ្លួនឯងថាអ្នកបានត្រៀមខ្លួនរួចជាស្រេច ដើម្បីចូលបម្រើការងារ គឺបង្ហាញតាមរយៈការស្លៀកពាក់ និង សម្ភារៈដែលអ្នកនាំយកទៅជាមួយដូចជាកាបូបសម្រាប់ដាក់សម្ភារៈធ្វើការជាដើម។
៦) ត្រូវមានអារម្មណ៍វិជ្ជមាន
ផ្នែកមួយដ៏សំខាន់ នៃការសម្ភាសន៍ គឺ ភាពមានទំនុកចិត្ត និង ជឿជាក់លើខ្លួនឯង អារម្មណ៍វិជ្ជមាន គឺជាកត្តាដែលដើរតួនាទីយ៉ាងសំខាន់ពេលបំពេញកិច្ចការងារ។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment