អ្នកដែលនិយមប្រើប្រាស់បណ្តាញសង្គម Facebook ជាប្រចាំគេតែងតែបើមើល New Feed ឬ Notification របស់គេដើម្បីទទួលបាននូវព័ត៌មានថ្មីៗ ឬសារដែលទាក់ទងនឹងរូបគេ។ ហើយការបើក ឬប្រើប្រាស់បណ្តាញសង្គមនេះគឺមិនរើសពេលវេលានោះឡើយ មិនថាមុនពេលចូលគេង ក្រោកពីគេង អង្គុយរងចាំ ឬពេលទទួលទានអាហារ។
ហើយក្រោមនេះជាលទ្ធផលនៃការសិក្សាទៅមនុស្សដែលបានឈប់លេងFacebook រយៈពេលមួយឆ្នាំគឺចាប់តាំងពីខែមករា ឆ្នាំ២០១៥ ។ ហើយអ្វីដែលទទួលបានគឺបានធ្វើឲ្យពួកគេក្លាយខ្លួនជាមនុស្សថ្មីមួយដែលមានអារម្មណ៍ថាខុសប្លែកពីពេលដែលញៀននឹង Facebook ។ ហើយខាងក្រោមនេះជាមេរៀនល្អៗដែលផ្តល់ឲ្យគេ៖
១- មានពេលវេលាទំនេរសម្រាប់ចាប់យកចំណេះដឹងជាក់លាក់
បន្ទាប់ពីអ្នកបានផ្អាកពីលេងFacebook អ្នកនឹងមានពេលវេលាស្វែងរកព័ត៌មាន ព្រឹត្តិការណ៍ ឬចំណេះដឹងបានច្បាល់លាស់ឲ្យត្រូវនឹងការសិក្សា ឬ អាជីវកម្មរបស់លោកអ្នក ដែលអាចតាមរយៈ ការអានសៀវភៅ, គេហទំព័រ(Website), កាសែត, ទស្សនាវដ្តី ឬវិទ្យុ។ ដែលខុសពីពេលដែលអ្នកមើលStatus ឬការShare ដែលមាននិយាយផ្ទុយគ្នា, ជំលោះ, នយោបាយ, ភាពឈឺចាប់, វីដេអូបែបពញ្ញាក់អារម្មណ៍ ហឹង្សា កំប្លែង ឬសកម្មភាពមិនគួរគប្បី។
២- កាត់បន្ថយការរំខាន និងមានពេលវេលាច្រើនក្នុងការទទួលយកអ្វីដែលមានជុំវិញខ្លួន
កំឡុងពេលដែលអ្នកនៅក្នុងភោជនីយដ្ឋាន ឬ ដំណើរកម្សាន្ត ស្រាប់តែមិត្តភកិ្តរបស់អ្នកបានចេញទៅមុន បន្សល់ទុកឲ្យអ្នកនៅម្នាក់ឯង អ្នកគួរតែយកទូរស័ព្ទទុកក្នុងកាបូប ឬហោប៉ៅ ហើយចាប់ផ្តើមចាប់អារម្មណ៍ទៅលើ ទិដ្ឋភាពនៅជុំវិញខ្លួន ស្រូបយកបរិយាកាសដ៏បរិសុទ្ធ នេះទើបជាពេលវេលាដ៏សែនរីករាយ។
៣- ខកខានក្នុងការចែករំលែក តែធ្វើឲ្យមានពេលវេលារីករាយកាន់តែច្រើន
ជារឿងបាត់បង់បន្តិចហើយសម្រាប់ការចែករំលែកសេចក្តីរីករាយរបស់អ្នកនៅលើបណ្តាញសង្គម។ ដែលមិនអាចបង្ហាញភ្លាមៗទៅដល់មិត្តភិក្ត ឬក្រុមគ្រួសារ ប៉ុន្តែអ្វីដែលផ្តល់ឲ្យអ្នកគឺមានពេលវេលា នៅក្នុងការញុំអាហារឆ្ងាញ់ៗកាន់តែច្រើន និងរីករាយកំឡុងពេលដើរកម្សាន្តបានកាន់តែច្រើន។ ហើយអ្នកក៏អាចបង្ហាញសកម្មភាពទាំងអស់នោះទៅដល់ពួកគេបានផងអ្នកនៅពេលមានការជួបជុំ។
៤- មានអារម្មណ៍ថាផ្តាច់ទំនាក់ទំនង តែមានទំនាក់ទំនងនៅសង្គមខាងក្រៅបានកាន់តែច្រើន
មនុស្សទូទៅ តែងមានមិត្តភក្តិ ក្រុមគ្រួសារ ឬអ្នករួមការងារ នៅពេលដែលអ្នកផ្តាច់ទំនាក់ទំនងនៅលើបណ្តាញសង្គម តើអ្នកនឹងឯកាមែនទេ? គឺមិនដូច្នោះឡើយ អ្នកអាចធ្វើការអ៊ីម៉ែល ឬទូរស័ព្ទទៅរកពួកគេ ហើយមានការណាត់ជួបសំណេះសំណាលគ្នា និងអាចរាប់អានមិត្តភក្តិថ្មីនៅខាងក្រៅមានកាន់តែច្រើន ។ ដែលខុសពីការរាប់អានដោយគ្រាន់តែនៅមុខអេក្រង់ទូរស័ព្ទ ឬកុំព្យទ័រ គឺមិនមែនជាទំនាក់ទំនងពេលលេញនោះឡើយ។
៥- ជួបមិត្តភក្តិនៅខាងក្រៅ ដែលកាន់តែចាប់អារម្មណ៍ជាងមុន
នៅពេលដែលអ្នកខកខានក្នុងការបង្ហាញមុខ ឬទំនាក់ទំនងនៅក្នុងបណ្តាញសង្គមនោះអាចនឹងធ្វើឲ្យមិត្តរបស់អ្នកងឿងឆ្ងល់ ហើយពួកគេអាចនឹងទំនាក់ទំនងអ្នកតាមរយៈទូរស័ព្ទដើម្បីធ្វើការណាត់ជួប ដើម្បីជជែកកម្សាន្ត អាចអំពីអ្នក ឬអំពីពួកគេ ដែលជាព័ត៌មានមិនដឹងពីគ្នាទៅវិញទៅមក ។ ដូចនេះអ្នកនឹងមានអារម្មណ៍ថាស្និទស្នាលជាងមុន។
៦- ខកខានសម្រាប់ទំនាក់ទំនងដែលមិនជិតស្និទ
អ្នកអាចនឹងកាត់បន្ថយទំនាក់ទំនងជាមួយមិត្តភក្តិមួយចំនួនដែលមិនជិតស្និទ ដោយគ្រាន់តែស្គាល់គ្នានៅលើបណ្តាញសង្គម។ ដូចនេះអ្នកអាចខកខានក្នុងការអញ្ចើញចូលរួមកម្មវិធីជប់លៀង ឬខួបកំណើតរបស់មិត្តភក្តិទាំងនោះ។ ខុសពីមិត្តជិតសិ្នទដែលអាចទូរស័ព្ទ ឬទៅចែកលិខិតអញ្ជើញដល់ផ្ទះរបស់អ្នក។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment