កងទ័ពអ៊ីស្រាអែលខ្លាំងប៉ុណ្ណាទៅបានជាISISខ្លាចម្ល៉ឹងៗ
ISIS ដែលជាក្រុមភេរវកម្មសាហាវជាងគេលើលោក បាននិយាយថា ពួកគេមិនខ្លាច អាមេរិក អង់គ្លេស រុស្សី និងសម្ព័ន្ធមិត្តលោកខាងលិចសូម្បីតែបន្តិច ហើយពួកគេត្រៀមខ្លួននឹងពលីជីវិត ប្រយុទ្ធប្ដូរផ្ដាច់លោះដល់ដង្ហើមចុងក្រោយទៀតផង ទោះបីជាកងទ័ពសម្ព័ន្ធមិត្តមានអាវុធទំនើបបំផុតក្នុងសាកលលោកក៏ដោយ។
ប៉ុន្តែកងទ័ពដែលក្រុមឧទ្ទាមដែលមានមូលដ្ឋាននៅប្រទេសស៊ីរី និងអ៊ីរ៉ាក់មួយនេះ បែរជាខ្លាចកងទ័ពអ៊ីស្រាអែលទៅវិញហើយថែមបាននិយាយថា កងទ័ពរបស់ប្រទេសមួយនេះជាឆ្អឹងទទឹងករ និងជាបន្លាក្នុងទ្រូងរបស់ក្រុម ISIS ទៅវិញ។មានហេតុផលជាច្រើនដែល ISIS ខ្លាចអ៊ីស្រាអែលប៉ុន្តែ Kqube សូមលើកយកចំណុច៣យ៉ាងធំៗមកបង្ហាញជូន៖
១- ជំនាញទាហានថ្មើរជើង៖ ជាការពិតទាហានថ្មើរជើងអ៊ីស្រាអែលពិតជាមានជំនាញខ្លាំងបំផុតក្នុងការបង្ក្រាបភេរវកម្មនិងក្រុមឧទ្ទាមដោយសារទីតាំងរបស់ប្រទេសអ៊ីស្រាអែលព័ទ្ធទៅដោយប្រទេសសម្បូរភេរវកម្មកើតឡើងដូចជា៖ ប៉ាឡេស្ទីន(តំបន់ហ្គាសាស្រ្ទីព និងវែសបែង) ស៊ីរី លីបង់ ហ្សកដានី អេហ្ស៊ីបជាដើមពិសេសបានចូលរួមកម្ទេចក្រុមភេរវកម្មជាច្រើនករណីមកហើយកាលពីអតីតកាល។
២-មជ្ឈមណ្ឌលផលិតសព្វាវុធធំជាងគេនៅមជ្ឈិមបូព៌ា៖ អាចនិយាយបានថាអ៊ីស្រាអែលជាមហាអំណាចផលិតអាវុធមួយក្នុងពិភពលោកនិងនៅមជ្ឈិមបូព៌ាដោយមិនចាញ់អាមេរិក រុស្សី ចិន ឡើយ។ ពួកគេអាចផលិតកាំភ្លើងទំនើបៗដោយខ្លួនឯងបានដូចជា ៖ រថក្រោះ Merkava tanks កាំភ្លើងម៉ាក X-95 (MTAR) រថយន្តទាហានបំពាក់អាវុធ ATMOS 2000 HOWITZER យន្តហោះចម្បាំង F-15I RA’AM ជើងទម្របាញ់មីស៊ីល ARROW 3 ABM ជាដើម។
៣- មានមហាអំណាចធំក្នុងលោកគាំទ្រ និងទំនុកបម្រុងច្រើន ៖ ក្រៅពីពីរចំណុចខាងលើ ប្រទេសអ៊ីស្រាអែលមានមហាអំណាចដូចជា អាមេរិក អង់គ្លេស បារាំងជាអ្នកនៅពីក្រោយភាពខ្លាំងនៃប្រព័ន្ធយោធារបស់ខ្លួនដោយពួកគេជាអ្នកឧបត្ថម្ភបន្ថែមនូវជំនួយបច្ចេកវិទ្យាផលិតអាវុធ ថាមពល និងប្រាក់ជាច្រើនទៀត។
0 comments:
Post a Comment