ការធ្វើសង្គ្រាមប្រឆាំងនឹងក្រុមរដ្ឋឥស្លាម ISIS តាមរយៈការវាយប្រហារតាមដែនអាកាសកំពុងតែធ្វើឲ្យការប្រមូលពន្ធនៅអាមេរិកកើនឡើងខ្ពស់ ដែលមានទឹកប្រាក់សរុបដល់ទៅ ១១ លានដុល្លារក្នុងមួយថ្ងៃ នេះបើយោងតាមទិន្នន័យចុងក្រោយនៃក្រសួងការពារជាតិ។ ការវាយប្រហារតាមដែនអាកាសបានធ្វើឲ្យអាមេរិកចំណាយអស់ប្រាក់ប្រមាណជា ៥,៥ ពាន់លានដុល្លារ ចាប់តាំងពីអាមេរិកផ្តើមធ្វើប្រតិបត្តិការតាមដែនអាកាស នៅខែសីហា ឆ្នាំ ២០១៤ កន្លងមក។
សារព័ត៌មាន Military Times បានកត់សម្គាល់ថា ការចំណាយប្រចាំថ្ងៃរបស់អាមេរិកក្នុងការធ្វើសង្គ្រាម បានកើនឡើងទឹកប្រាក់ ២ លានដុល្លារបន្ថែមទៀតលើទឹកប្រាក់ចាស់ចាប់តាំងពីខែមិថុនាមក។ នៅសប្តាហ៍មុនកាសែត The Washington Post ចុះផ្សាយថាសង្គ្រាមប្រឆាំងនឹងក្រុមរដ្ឋឥស្លាមតាមដែនអាកាស របស់អាមេរិកកំពុងពង្រីកថវិកាចំណាយបន្ថែមទៀត គឺច្រើនជាងការរំពឹងទុករបស់ក្រុមអ្នកសង្កេតការណ៍ទៅទៀត។
គួរបញ្ជាក់ថាការវាយប្រហារតាមដែនអាកាសភាគច្រើន គឺធ្វើឡើងរួមគ្នាជាមួយក្រុមប្រតិបត្តិការជើងគោក គឺក្រុមសកម្មប្រយុទ្ធក្នុងតំបន់ ជាអ្នកបញ្ជាក់ពីទីតាំងរបស់ក្រុមរដ្ឋឥស្លាមនៅស៊ីរី និង អ៊ីរ៉ាក់។
ប្រភព៖Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment