១) បទពិសោធន៍ធ្វើឲ្យអ្នកកាន់តែមានភាពវៃឆ្លាត ៖ ទោះបីជាអ្នកមានបទពិសោធន៍ច្រើនប៉ុណ្ណាក៏ដោយ ប្រសិនបើអ្នកមិនចេះយកបទពិសោធន៍ជោគជ័យណាមួយមកប្រើឡើងវិញទេនោះ មិនប្រាកដថាអ្នកអាចជោគជ័យក្នុងការងាររបស់អ្នកនោះទេ។
២) នៅពេលដែលអ្នកផ្ដល់ឲ្យមនុស្សដទៃកាន់តែច្រើន អ្នកនឹងទទួលបានវិញកាន់តែច្រើនដូចគ្នាដែរ ៖ បើតាមលោក Robert Kiyosaki មនុស្សចូលចិត្តធ្វើការងារតិច តែចង់បានចំណូលច្រើន ដូច្នេះលោកថា នៅពេលដែលលោកចំណាយប្រាក់ឲ្យពួកគេច្រើន ពួកគេគឺត្រូវធ្វើការបន្ថែមកាន់តែច្រើនឲ្យលោកវិញដូចគ្នាដែរ។
៣) ត្រូវផ្លាស់ប្ដូររបៀបនៃការគិតរបស់ខ្លួន ៖ បើចង់ក្លាយជាអ្នកមានលុះត្រាតែអ្នកមានការផ្លាស់ប្ដូរផ្នត់គំនិតរបស់ខ្លួនឯងជាមុនសិន តាមរយៈការវិនិយោគឲ្យខ្លួនឯង ដូចជាដាក់ប្រាក់ក្នុងធនាគារ ឬ ទិញផ្ទះជាដើមនេះបើតាមលោក Robert Kiyosaki។
៤) ត្រូវផ្ដោតយកចិត្តទុកដាក់ ៖ ការផ្ដោតយកចិត្តទុកដាក់ចំពោះរឿងដែលអ្នកកំពុងធ្វើជាមធ្យោបាយតែមួយគត់ដើម្បីឈ្មោះទៅរកភាពជោគជ័យ ព្រោះរឿងដែលអ្នកធ្វើអាចល្អសម្រាប់អ្នក ប៉ុន្តែ អាចមិនល្អសម្រាប់មនុស្សដទៃ ដូច្នេះផ្ដោតយកចិត្តទុកដាក់ជារឿងតែមួយគត់ដែលអ្នកត្រូវធ្វើពេលប្រតិបត្តិការអ្វីមួយ។
៥) ការជួបគ្រាលំបាក នាំឲ្យមនុស្សទទួលបានឱកាសថ្មី ៖ បើតាមលោក Robert Kiyosaki លោកបានឆក់យកឱកាសពេលពិភពលោកកំពុងជួបវិបត្តិសេដ្ឋកិច្ច ទៅលើប្រទេស ដែលរងផលប៉ះពាល់ខ្លាំង។ ដូចគ្នាអញ្ចឹងដែរនៅពេលដែលដៃគូប្រជែងរបស់អ្នកកំពុងជួបបញ្ហា វាជាឱកាសរបស់អ្នក ក្នុងការឆកយកឱកាសណាមួយដើម្បីផ្ដួលពួកគេ។
៦) ត្រូវដឹងថាអ្នកកំពុងប្រឹងប្រែងដើម្បីអ្វី ៖ អ្នកត្រូវដឹងខ្លួនឯងឲ្យបានច្បាស់ថា អ្វីដែលអ្នកកំពុងប្រឹងប្រែងធ្វើដើម្បីអ្វី ដើម្បីខ្លួនឯង ឬ ដើម្បីអ្នកដទៃ ប្រសិនបើអ្នកមិនដឹងច្បាស់ ថាអ្នកធ្វើដើម្បីអ្វីនោះទេ ភាពជោគជ័យក៏មិនអាចកើតមានបានដែរ។
៧) កុំភ័យខ្លាចជាមួយនឹងភាពបរាជ័យ ៖ បរាជ័យគឺសុទ្ធតែជាមេរៀន ដែលអ្នកគួរសិក្សាដើម្បីទៅរកភាពជោគជ័យ ព្រោះបរាជ័យគឺជាវិធី ដែលអ្នករកឃើញ អ្វីមួយមិនដំណើរការ ក្នុងរបៀបមួយ។
៨) ត្រូវមានបំណងចង់ទិញទ្រព្យសម្បត្តិទុក ៖ បើតាមលោក Robert Kiyosaki ដើម្បីបង្កើនទ្រព្យធនគឺត្រូវចេះវិនិយោគក្នុងវិស័យអចលនទ្រព្យ ទិញផ្ទះ ទិញដី គឺជារឿងល្អបំផុតសម្រាប់អ្នកមានលុយច្រើន។
៩) បញ្ឈប់ការសន្សំ មកជាការបណ្ដាក់ទុន ៖ លោក Robert Kiyosaki ថ្លែងថាការសន្សំលុយគឺជារឿងល្អសម្រាប់មនុស្សគ្រប់រូប ប៉ុន្តែវានឹងក្លាយទៅជាបញ្ហាវិញនូវពេលដែលរូបិយប័ណ្ណធ្លាក់ចុះ ហើយទំនិញឡើងថ្លៃ ដូច្នេះមនុស្សគ្រប់រូបគួរតែយកលុយនោះទៅវិនិយោគវិញទើបល្អ ព្រោះថាទោះបីជាការធ្លាក់ចុះរូបិយប័ណ្ណ ទំនិញឡើងថ្លៃយ៉ាងណាក៏ដោយ ប្រាក់វិនិយោគរបស់អ្នកមិនប្រែប្រួលឡើយ ព្រោះផលិតផលឬ សេវាកម្មដែលអ្នកវិនិយោគនិង ទទួលបានអត្ថប្រយោជន៍ច្រើនពេលសេដ្ឋកិច្ចជួបអតិផរណា ហើយលុយរបស់អ្នកនឹងបង្កើនការវិនិយោគបានច្រើន ពេលរូបិយប័ណ្ណឡើងថ្លៃ។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment