ការប៉ុនប៉ងចង់មានកូនដោយប្រើទឹកកាមបន្សល់ក្នុងស្រោមអនាម័យក្រោមពីរួមភេទសម្រេចរួចរាល់នោះ គឺជាទង្វើដែលស្ត្រីមួយចំនួនតូចអនុវត្តខណៈដែលភាគីខាងបុរសមិនមានការព្រមព្រៀង។
សំណួរដ៏ចម្រូងចម្រាសបានផ្ដោតទៅលើថា តើ «ស្ត្រីម្នាក់អាចមានផ្ទៃពោះដែរឬទេបើនាងប្រើទឹកកាមនៅស្រោមរបស់ដៃគូបង្ហូរចូលក្នុងទ្វារមាសរបស់នាងនោះ?»។
វេបសាយសុខភាព www.steadyhealth.com បានផ្ដល់ការពន្យល់ថា លទ្ធភាពមានកូនឬក៏អត់ អាស្រ័យទៅលើកត្តាជាច្រើន។
ស្រោមអនាម័យដែលប្រើរួចគួរតែខ្ចប់បោះចោលឲ្យបានត្រឹមត្រូវ។
ទីមួយប្រសិនបើស្រោមអនាម័យនោះមានស្រោបនូវសារធាតុជួយសម្លាប់មេជីវិត (Spermicide) អត្រាមានកូនគឺស្ទើរតែមិនអាចទៅរួចនោះទេ។ សារធាតុនេះអាចសម្លាប់មេជីវិតបានរហូតដល់៩០ភាគរយឯណោះ។
ទីពីរគឺសំខាន់បំផុតអាស្រ័យលើពេលវេលា។ ស្រដៀងនឹងពពួកប៉ារ៉ាសិតដែរ មេជីវិតបុរសមិនអាចរស់រាននៅក្រៅរាងកាយមនុស្សបានយូរទេ។ មេជីវិតបុរសត្រូវការបរិយាកាសសំណើម និងកម្ដៅសមស្របមួយ។ បើពុំដូច្នោះទេ វានឹងស្លាប់ក្នុងរយៈពេលដ៏ខ្លី។
ទោះបីយ៉ាងណា បើបុរសបញ្ចេញទឹកកាមក្នុងស្រោមអនាម័យ ហើយទឹកកាមនោះត្រូវបានស្ត្រីជាដៃគូប្រើប្រាស់ភ្លាមៗបញ្ចូលទៅក្នុងទ្វារមាសរបស់នាងនោះ ការមានគភ៌ពិតជាអាចទៅរួច។ ប៉ុន្តែអត្រាមានគភ៌ដោយការធ្វើដូច្នេះមិនខ្ពស់ដូចការបាញ់ទឹកកាមចូលទ្វារមាសផ្ទាល់នោះទេ។
ទោះបីយ៉ាងណា បើបុរសបញ្ចេញទឹកកាមក្នុងស្រោមអនាម័យ ហើយទឹកកាមនោះត្រូវបានស្ត្រីជាដៃគូប្រើប្រាស់ភ្លាមៗបញ្ចូលទៅក្នុងទ្វារមាសរបស់នាងនោះ ការមានគភ៌ពិតជាអាចទៅរួច។ ប៉ុន្តែអត្រាមានគភ៌ដោយការធ្វើដូច្នេះមិនខ្ពស់ដូចការបាញ់ទឹកកាមចូលទ្វារមាសផ្ទាល់នោះទេ។
លទ្ធភាពក្នុងការមានគភ៌នេះក៏អាស្រ័យលើវដ្តរដូវរបស់នាងដែរ។ អំឡុង១-២ថ្ងៃ មុនពេលអូវុលជ្រុះ និងថ្ងៃអូវុលជ្រុះគឺជាវេលាអំណោយផលក្នុងការមានកូនតែម្ដង។
តាមការពិតទៅមិនត្រឹមតែទឹកកាមក្នុងស្រោមអនាម័យទេដែលអាចធ្វើឲ្យស្ត្រីមានផ្ទៃពោះ។ មេជីវិតបុរសអាចចូលក្នុងទ្វារមាសស្ត្រី និងបន្តទៅបង្កកំណើតទៀតបើម្រាមដៃ ឬវត្ថុផ្សេងៗមានជាប់ទឹកកាមនោះត្រូវបានស៊កបញ្ចូលក្នុងប្រដាប់ភេទស្រី។ បើទោះជាអត្រាមានកូនដោយករណីបែបនេះមានតិចតួចខ្លាំងក៏ពិតមែន ប៉ុន្តែវានៅតែអាចកើតឡើង។
ករណីបែបនេះក៏ធ្លាប់ឈានដល់ការប្ដឹងប្ដល់ផ្អើលពិភពលោកផងដែរ កាលពីប៉ុន្មានឆ្នាំមុន។ អត្ថបទចុះផ្សាយដោយកាសែតញូវយ៉កប៉ុស្ដិ៍បានលើកឡើងនូវករណីស្ត្រីរាំស្រាតអាជីពម្នាក់ដែលព្យាយាមប្រើប្រាស់ទឹកកាមបុរសសេដ្ឋីម្នាក់ដើម្បីឲ្យនាងមានផ្ទៃពោះ ន្អាលនឹងបានចំណែកទ្រព្យសម្បត្តិជាកម្មសិទ្ធិរបស់នាង។
បុរសនៅរដ្ឋតិចសាស់ម្នាក់នោះឈ្មោះ ប្រេសស៊ីល ជាអ្នកគ្រប់គ្រងក្រុមហ៊ុនទូរស័ព្ទមួយ។ លោកបានទាក់ទងនឹងនារីរាំសិចវ័យ៣៤ឆ្នាំ ក្នុងចេតនាដើម្បីសប្បាយមួយគ្រា ដោយមិនគិតថាចង់បង្កើតគ្រួសារជាមួយនាងឡើយ។
រាល់ការរួមភេទជាមួយនាងម្ដងៗ បុរសអាមេរិកសម្បូរទ្រព្យរូបនោះតែងពាក់ស្រោមអនាម័យជានិច្ចដើម្បីការពារកុំឲ្យមានកូន។ ប៉ុន្តែលោកមានការភ្ញាក់ផ្អើលយ៉ាងខ្លាំងនៅពេលដែលនាងបានប្រកាសប្រាប់នូវដំណឹងមានផ្ទៃពោះតាមរយៈការប្រើប្រាស់ទឹកកាមបន្សល់ក្នុងស្រោមអនាម័យក្រោយពីរួមភេទរួច។ នារីរាំរបាំស្រាតថែមទាំងបានប្ដឹងទារឲ្យចែកទ្រព្យសម្បត្តិទៀត តែបណ្ដឹងនោះបានបរាជ័យ
៕
៕
About sabaynews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment