ទូរទស្សន៍របស់ក្រុមហ៊ុន Apple កំពុងតែទទួលបានការវិវឌ្ឍន៍ថ្មី ដើម្បីឱ្យមុខងារសំខាន់ៗមួយចំនួនមានភាពទាន់សម័យជាមួយនឹងប្រព័ន្ធប្រតិបត្តិការជំនាន់ថ្មីរបស់ខ្លួនដែលមានឈ្មោះថា tvOS ៩.២ ដែលនឹងផ្តល់ឱ្យការប្រើប្រាស់វាកាន់តែមានភាពងាយស្រួល។
មុខងារថ្មីនោះគឺ ក្តារបន្ទះចុចប្ល៊ូធូស ដែលតភ្ជាប់ទៅកាន់ទូរទស្សន៍របស់ក្រុមហ៊ុន Apple ថ្មីដែលអាចផ្តល់ភាពងាយស្រួលជាងការប្រើប្រាស់នូវឧបករណ៍បញ្ជារបស់ក្រុមហ៊ុន Apple ក្នុងការវាយអត្ថបទខ្លីៗដូចជា ប៉ុស្តិ៍ទូរទស្សន៍ ចំណងជើងខ្សែភាពយន្ត និងពាក្យសម្ងាត់ជាដើម។
លើសពីនេះទៀតនោះ លោកអ្នកអាចគ្រប់គ្រងទូរទស្សន៍ Apple បានយ៉ាងងាយដោយគ្រាន់តែធ្វើការបង្កើតនូវថតមួយសម្រាប់ផ្ទុកឬរៀបចំជាបន្តុំនៃកម្មវិធី ដែលជាភាពងាយស្រួលសម្រាប់អ្នកក្នុងការផ្លាស់ប្តូរនូវកម្មវិធីត្រលប់ទៅត្រលប់មកដោយពុំចាំបាច់ត្រលប់ទៅកាន់ទំព័រដើមនៃទូរទស្សន៍ Apple វិញឡើយហើយវាមានលក្ខណៈដូចទៅនឹងអ្វីដែលអ្នកបានឃើញនៅលើ iPhone អញ្ចឹងដែរ។
ការវិវឌ្ឍន៍ថ្មីនៃ tvOS ៩.២ នេះក៏បានអនុញ្ញាតឱ្យអ្នកអភិវឌ្ឍន៍កម្មវិធី អាចធ្វើការបន្ថែមមុខងារផែនទីចូលទៅក្នុងកម្មវិធីទូរទស្សន៍របស់ក្រុមហ៊ុន Apple របស់គេនឹងប្រព័ន្ធផ្សព្វផ្សាយកម្មវិធីឌីជីថលសម្រាប់ការដាក់ឲ្យទាញយកទៅប្រើប្រាស់ផងដែរ។
កម្មវិធី Siri ក៏បានបន្ថែមភាសាថ្មីៗ និងការបញ្ចេញសំឡេងផងដែរសម្រាប់ទូរទស្សន៍ Apple ដែលបានលក់នៅក្នុង ចក្រភពអង់គ្លេស ដោយកម្មវិធី Siri មានការយល់កាន់តែប្រសើរឡើងចំពោះភាសាអង់គ្លេសបែបចក្រភពអង់គ្លេសរបស់អ្នក ភាសាអង់គ្លេសបែបអូស្ត្រាលី និងសូម្បីតែការបញ្ចេញសំឡេងភាសាអង់គ្លេសបែបអាមេរិចកាំង។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment