ខាងក្រោមនេះជាបទវិភាគរបស់លោក Ian Bremmer ជាអ្នកនិពន្ធសៀវភៅអំពីនយោបាយអន្តរជាតិក្រោមចំណងជើងថា «ប្រទេសមហាអំណាច – superpower»។ នៅក្នុងវីដេអូខាងក្រោមនេះ លោក Ian បានរៀបរាប់អំពីកត្តាដែលធ្វើឲ្យលោកប្រធានាធិបតីរុស្ស៊ី ពូទីន មានឥទ្ធិពលលើសលប់នៅក្នុងពិភពលោក ហើយឈោងចាប់យកតំណែងជាមេដឹកនាំដែលមានលេចមុខលេចមាត់ និងមានឥទ្ធិពលជាងគេនៅក្នុងពិភពលោកជាច្រើនឆ្នាំបន្តបន្ទាប់គ្នា។
លោក Ian Bremmer: លោកពូទីនយល់ថាអស់រយៈពេលជាច្រើនឆ្នាំកន្លងមកនេះ ប្រទេសមហាអំណាចខ្លះហាក់ដូចជាខ្វះសេចក្ដីគោរពចំពោះលោក ក៏ដូចជាខ្វះសេចក្ដីគោរពចំពោះប្រទេសរបស់លោក (រុស្ស៊ី)។ ប្រទេសទាំងនោះមិនយកលោក និងប្រទេសរបស់លោកទុកក្នុងកែវភ្នែករបស់គេទេ។ លោកចាត់ទុកសហរដ្ឋអាមេរិកជាឧទាហរណ៍។ សហរដ្ឋអាមេរិកពង្រីកកម្លាំងយោធារបស់អង្គការបក្សសម្ព័ន្ធយោធា NATO ក៏ដូចជាការដាក់ពង្រាយខែលការពារមីស៊ីលអន្តរទ្វីបនៅទ្វីបអឺរ៉ុប។ល។
ឥឡូវ លោកយល់ថាគេកំពុងខ្វះសេចក្ដីគោរពចំពោះលោកនិងប្រទេសរុស្ស៊ី ដោយហ៊ានលូកដៃចូលបញ្ហានៅប្រទេសអ៊ុយក្រែន។ លោកពូទីនមិននិយាយចេញមកក្រៅទេ ប៉ុន្តែគិតតែក្នុងចិត្តថា «លោកមិនអាចទ្រាំនឹងការមើលងាយតទៅទៀតទេ លោកត្រូវតែវ៉ាងទីនៅប្រទេសអ៊ុយក្រែនឲ្យបាន។ លោកត្រូវតែធ្វើអន្តរាគមន៍នៅអ៊ុយក្រែនបន្ទាប់ពីក្រុមបំបែកខ្លួននៅភាគខាងកើតអ៊ុយក្រែនដែលគាំទ្រប្រទេសរុស្ស៊ី ត្រូវរដ្ឋាភិបាលអ៊ុយក្រែនបញ្ជូនទ័ពទៅវាយ។ លោកត្រូវតែជម្នះចិត្តដាក់បញ្ចូលតំបន់គ្រីមៀជាដែនអធិបតេយ្យរបស់ប្រទេសរុស្ស៊ីឲ្យបាន ទោះបីប្រទេសមហាអំណាច និងមជ្ឈដ្ឋានអន្តរជាតិថ្កោលទោសយ៉ាងណាក៏ដោយ»។
ចំណុចសំខាន់ដែលធ្វើឲ្យលោកពូទីនជាបុគ្គលមានឥទ្ធិពលខ្លាំង គឺលោកហ៊ានចេញមុខឈរតទល់នឹងសហរដ្ឋអាមេរិក។ នេះជាយុទ្ធសាស្ត្រសំខាន់បំផុតរបស់លោក ចាប់តាំងពីលោកឡើងកាន់អំណាចចាប់ពីឆ្នាំ២០០០ រៀងមក។ ទោះបីប្រទេសរុស្ស៊ីត្រូវមជ្ឈដ្ឋានអន្តរជាតិព្រួតគ្នាដាក់ទណ្ឌកម្មយ៉ាងណា ក៏លោកពូទីនមិនចុះញ៉មជាដាច់ខាត ហើយលោកយល់ថាលោក និងប្រទេសលោកមិនឯកោទេ។ លោកពូទីនបានរិះរកវិធីពង្រឹងចំណងមិត្តភាពជាមួយប្រទេសចិន។
នៅលើលោកនេះ លោកពូទីនជាបុគ្គលដែលមានឥទ្ធិពលគ្មានគូប្រៀប។ សូម្បីអ្នកមិនពេញចិត្តនឹងលោក ក៏ទទួលស្គាល់ចំណុចនេះដែរ។ នៅពេលនេះ លោកពូទីននៅតែមានក្រឡាដើរជានិច្ច ហើយមិនងាប់ក្រឡាទាល់តែសោះ។ នៅពេលនេះ ទំនាក់ទំនងពាណិជ្ជកម្មរវាងប្រទេសចិន និងរុស្ស៊ីបានល្អប្រសើរ។ ប្រសិនបើគេប្រៀបធៀបគ្នា គឺសហរដ្ឋអាមេរិក និងរុស្ស៊ីមិនលើសលស់គ្នាប៉ុន្មានទេ ទាំងនយោបាយការបរទេស ទាំងវិស័យការពារជាតិ ទាំងវិស័យបច្ចេកទេស ធនធានមនុស្ស។ល។ និង។ល។ សរុបសេចក្ដីមក នៅពេលដែលលោកពូទីនអាចប្រឈមនឹងបញ្ហាកាន់តែច្រើន កាន់តែធ្វើឲ្យលោកក្លាយជាបុគ្គលមានឥទ្ធិពលក្នុងពិភពលោក៕
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment