ចង់បានរាងស្វែលស្អាត តែស្ត្រីមិនបានគិតពីជំងឺខ្វះឈាម
ស្ត្រីនាសម័យបច្ចុប្បន្ននេះ និយមរូបរាងដែលស្គមស្វែល ដូចតារាបង្ហាញម៉ូដ អ្នកខ្លះរកវិធីកម្ចាត់ភាពធាត់ចេញពីក្នុងខ្លួន ដោយមិនខ្វល់ពីសុខភាពរបស់ខ្លួនឯង។ ចំណែកក្មេងស្រីជំទង់ៗនៅបរទេសចូលចិត្តសម្រកទម្ងន់យ៉ាងគំហុក ឲ្យមើលទៅស្គមដូចតារាបង្ហាញម៉ូដតែម្តង ដោយគោលបំណង គឺចង់ស្លៀកខោអាវដែលមានទំហំតូច។ ទង្វើបែបនេះអាចប៉ះពាល់ដល់សុខភាព រហូតដល់៤៦ភាគរយ។
តាមការស្រាវជ្រាវរបស់វិទ្យាស្ថានផ្នែកមាត្រដ្ឋានអាហាររបស់ប្រទេសអង់គ្លេសបានរកឃើញថា ចំពោះក្មេងស្រីជំទង់ ជនជាតិអង់គ្លេស មានទម្ងន់លើសមាត្រដ្ឋានប្រហែលជា១ភាគ៣ ហើយចំពោះអ្នកដែលធាត់ ប្រហែល១ភាគ៥ ដែលធ្វើឲ្យការបញ្ចុះទម្ងន់ក្នុងក្រុមនេះ មានការពេញនិយមបំផុត។
វេជ្ជបណ្ឌិត អាលីសាន់ ថេតស្តូន ជាអ្នកសិក្សាខាងចំណីអាហារបានមានប្រសាសន៍ថា ចំពោះក្មេងស្រីជំទង់ដែលទទួលទានគ្រប់៥ដងមានត្រឹមតែ៧ភាគរយ។ ឯចំណែកដែលនៅសល់ គឺជាអ្នកដែលមិនសូវបានទទួលទានជាប់លាប់ ដោយភាគច្រើន គឺជាអ្នកដែលព្យាយាមសម្រកទម្ងន់។ ចំពោះក្រុមនេះពួកគេទទួលទានអាហារម្សៅ និងប្រូតេអ៊ីនតិចបំផុត ដែលធ្វើឲ្យជាតិដែកមានចំនួនតិច រហូតដល់បង្កជាជំងឺខ្វះឈាម គ្មានកម្លាំងកំហែង និងងងុយគេង ជាពិសេស គឺខ្វះជាតិម៉ាញេស្យូម និងសេលេនីញូូម បង្កជាជំងឺគេងមិនលក់ ឈឺក្បាលខ្លាំង អារម្មណ៍ប្រែប្រួល និងទទួលបានជាតិខ្លាញ់ពីត្រី ដូចជា អូមេហ្គា-៣ ដែលជាសារធាតុ សំខាន់សម្រាប់បេះដូង និងប្រព័ន្ធប្រសាទ មិនគ្រប់គ្រាន់ថែមទៀត។
បន្ទាប់ពីធ្វើការត្រួតពិន្យិរួចមកគេរកឃើញថា ក្មេងស្រីជំទង់ ជក់បារី និងទទួលទានភេសជ្ជៈមាន ជាតិអាល់កុល ច្រើនជាងក្មេងប្រុសជំទង់ដែលមានវ័យស្របាលគ្នា ដោយក្មេងស្រីជំទង់អាយុ១៣ ទៅ១៥ឆ្នាំ ចំនួន១២ភាគរយ បានប្រាប់ថា ក្នុងមួយអាទិត្យ ពួកគេផឹកស្រា យ៉ាងតិចម្តង ច្រើនជាងក្មេងប្រុសជំទង់ដល់ទៅ៣ដង និងជក់បារីរហូតដល់២៩ភាគរយ ខណៈដែលក្មេងប្រុសជំទង់ ជក់បារីមានត្រឹមតែ១៦ភាគរយ៕ចុះប្រិយមិត្តកំណើតថ្មីយល់បែបណា?
0 comments:
Post a Comment