វាអាចជាចំនុចរសើបខ្លាំងសម្រាប់អ្នកនៅពេលដែលឲ្យអ្នកធ្វើការជ្រើសរើសរវាងប្រាក់ និងទំនាក់ទំនងដៃគូ។ ប្រាក់មានតួនាទីសំខាន់ណាស់នៅក្នុងទិដ្ឋភាពជាច្រើននៅក្នុងជីវិតរបស់អ្នកពីមួយថ្ងៃទៅមួយថ្ងៃ ហើយប្រាក់ក៏អាចជារឿងវិជ្ជមាន ឬអវិជ្ជមានសម្រាប់សេចក្តីស្រលាញ់ ឬទំនាក់ទំនងមិត្តភាពរបស់អ្នកផងដែរ។
សូមឆ្លើយនូវសំនួរខាងក្រោមនេះដោយស្មោះត្រង់ ដើម្បីស្វែងយល់ឲ្យកាន់តែច្បាស់អំពីប្រាក់ និងដៃគូរបស់អ្នក ថាមួយណាមានអាទិភាពជាង៖
១- តើប្រាក់នៅលេខរៀងមុនដៃគូរបស់អ្នកមែនឬទេ?
ប្រសិនបើអ្នកផ្តល់អាទិភាពខ្លាំងចំពោះប្រាក់ នោះទំនាក់ទំនងរបស់អ្នកនឹងត្រូវទទួលបានកៅអីខាងក្រោយ ទោះបីជាអ្នកចង់បង្ហាញអំពីភាពអព្យាក្រិតក៏ដោយ។ បើអ្នកបានព្យាយាមចំណាយពេលវេលា និងថាមពល ផ្តោតតែទៅលើការប្រមូលទ្រព្យសម្បត្តិ នោះអ្នកនឹងធ្វេសប្រហែសអំពីតម្រូវការដៃគូរបស់អ្នក។ ប្រសិនបើជីវិតរបស់អ្នកមានន័យដោយសារតែប្រាក់ នោះប្រាក់នឹងមានអំណាចគ្រប់គ្រងអ្នក និងចំណងទំនាក់ទំនងជាមួយដៃគូរបស់អ្នកផងដែរ។
២- តើអ្នកជ្រើសរើសដៃគូព្រោះតែប្រាក់មែនឬទេ?
ប្រាក់អាចជាអាហារសុខភាពសម្រាប់បំប៉នទំនាក់ទំនងជាមួយដៃគូ ដែលអាចចំណាយសម្រាប់ដំណើរកម្សាន្តជាមួយគ្នា ឬទិញផ្ទះសម្រាប់ចាប់ផ្តើមគ្រួសារមួយ។ ទោះបីជាយ៉ាងណា ប្រសិនបើអ្នកសម្រេចចិត្តជាមួយនរណាម្នាក់ ដែលព្រោះតែហិរញ្ញវត្ថុ ដែលផ្តល់ឲ្យអ្នក និងគ្រួសារ នោះនឹងធ្វើឲ្យមានការភ្លេចថាអ្វីជាសេចក្តីស្រលាញ់ពិត។ ជាការពិតប្រាក់មិនអាចទិញសេចក្តីស្រលាញ់បានទេ ប្រាក់រាប់លានដុល្លារគ្រាន់តែអាចបំពេញនូវតម្រូវការសម្រាប់ជីវិតរបស់អ្នកប៉ុណ្ណោះ។ ការស្រលាញ់ត្រូវតែកើតចេញពីមនុស្សម្នាក់និងមនុស្សម្នាក់ទៀតទៅវិញទៅមក ដែលមិនមែនដោយសារតែប្រាក់ទេ។
៣- តើអ្នកកំពុងប្រកួតប្រជែងប្រាក់ចំណូលជាមួយដៃគូរបស់អ្នកមែនឬទេ?
ដៃគូរបស់អ្នកមិនមែនជាគូប្រកួតប្រជែងនោះទេ ដោយមិនត្រូវមានការតានតឹងចំពោះប្រាក់ចំណូលថានរណារកបានច្រើនជាង ឬតិចជាងទេ។ ប្រសិនបើអ្នកអាចរកចំណូលបានច្រើនជាងដៃគូរបស់អ្នក អ្នកគ្រាន់តែដឹងថាគេក៏បានព្យាយាមដែរ។ ហើយវាក៏មិនមានបញ្ហា ក្នុងការបូកបញ្ចូលចំណែកតិចរបស់នរណាម្នាក់ ដើម្បីសម្រេចគោលបំណងរបស់អ្នកទាំងពីរនោះទេ។
៤- តើអ្នកមិនសប្បាយចិត្តមែនឬទេ នៅពេលដែលដៃគូរបស់អ្នកគិតតែពីចំណាយប្រាក់របស់អ្នក?
វាការល្អបំផុត ក្នុងការរៀបចំការចំណាយ និងក្បួនច្បាប់ថែរក្សាប្រាក់ ដែលអាចធ្វើឲ្យទំនាក់ទំនងរបស់អ្នកកាន់តែប្រសើរឡើង។ បើមិនដូចនេះទេ នោះអ្នកនឹងប្រថុយប្រថាននឹងអារម្មណ៏មិនសប្បាយចិត្ត និងម៉ួម៉ៅ ហើយទីបំផុតនឹងប៉ះពាល់ដល់ទំនាក់ទំនងរបស់អ្នកទៀតផង។ នៅពេលដែលអ្នកមានប្រវត្តិមកពីគ្រួសារផ្សេងគ្នានោះ វិធីសាស្ត្រក្នុងការគ្រប់គ្រងហិរញ្ញវត្ថុអាចនឹងមានបញ្ហា។ ដូចនេះគួរស្វែងយល់អំពីគ្នាទៅវិញទៅមក ក្នុងគោដៅបំពេញផែនការហិរញ្ញវត្ថុល្អមួយសម្រាប់ជីវិតរបស់អ្នកនិងដៃគូនាពេលអនាគត។
៥- តើអ្នកកំពុងលាក់បាំង ហិរញ្ញវត្ថុរបស់អ្នកពីដៃគូរអ្នកមែនឬទេ?
ប្រសិនបើអ្នកពិតជាចង់ឲ្យនរណាម្នាក់ជឿជាក់អ្នក អ្នកគួរមានការជឿជាក់ចំពោះគេវិញ។ វាពិតជាមាសារៈសំខាន់ណាស់ក្នុងការពិភាក្សាគ្នាអំពីហិរញ្ញវត្ថុ ជាពិសេសប្រសិនបើអ្នកមានផែនការដើរទៅមុខជាមួយគ្នានោះ។ បើមិនដូចនេះទេ ទំនាក់ទំនងអ្នកនឹងត្រូវបំផ្លិចបំផ្លាញដោយសារតែបញ្ហាប្រាក់ ដែលអាចបង្កឲ្យមានអារម្មណ៍ភ័យខ្លាច ខ្មាសអៀន ដែលពិតជាពិបាកក្នុងការទទួលយក។
៦- តើអ្នកជានាយកហិរញ្ញវត្ថុដែលក្តោបក្តាប់ប្រាក់នៅក្នុងគ្រួសារមែនឬទេ?
ប្រាក់ដែលបានផ្សែផ្សំបញ្ចូលចូលគ្នា នៅពេលដែលមនុស្សតែម្នាក់គត់គ្រប់គ្រងហរិញ្ញវត្ថុ នោះអាចបង្កើនភាពតានតឹងនៅក្នុងទំនាក់ទំនងរបស់អ្នក។ ហើយប្រសិនបើមានការខឹង ឬអាក់អន់ចិត្តរវាងគ្នានឹងគ្នា នោះនឹងធ្វើការឲ្យមានការបិទហិរញ្ញវត្ថុតែម្តង ដែលអាចធើ្វឲ្យទំនាក់ទំនាក់របស់អ្នកត្រូវប្រេះឆា។ ដូចនេះរឿងដែលល្អបំផុតអ្នកត្រូវផ្តល់អាទិភាពឲ្យគ្នាទៅវិញទៅមក ដើម្បីដឹកនាំ ឬគ្រប់គ្រងហិរញ្ញវត្ថុមួយរួមគ្នា។
ប្រសិនបើចម្លើយរបស់អ្នកឆ្លើយថា «មែន» ច្រើនជាង «ទេ» នោះអ្នកគួរតែចាប់ផ្តើមផ្តល់តម្លៃដល់ដៃគូរបស់អ្នក ឬអ្នកគួរធ្វើការជជែកជាមួយដៃគូរបស់អ្នក ដើម្បីការអ្នកមានការគ្រប់គ្រង ឬប្រើប្រាស់ហិរញ្ញវត្ថុរួមគ្នាដែលប្រកបដោយប្រសិទ្ធភាព និងស្មោះត្រង់៕
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment