មានមនុស្សជាច្រើន ដែលមានការលំបាកនៅក្នុងការគ្រប់គ្រងពេលវេលារបស់ខ្លួន ក្នុងជីវភាពរស់នៅប្រចាំថ្ងៃ ដោយអ្នកខ្លះចំណាយពេលវេលា ដោយមិនមានតុល្យភាព និងមិនសមស្របទៅនឹងសារៈសំខាន់ និងអត្ថប្រយោជន៍ នៃសកម្មភាពដែលខ្លួនកំពុងធ្វើ។ ដូចនេះ ខាងក្រោមនេះគឺជា វិធីក្នុងការគ្រប់គ្រងពេលវេលារបស់អ្នកឲ្យមានប្រសិទ្ធភាព៖
១. កត់ត្រាគ្រប់យ៉ាងនូវសកម្មភាពដែលអ្នកត្រូវធ្វើក្នុងមួយថ្ងៃ ៖ អ្នកត្រូវមានសៀវភៅសម្រាប់កត់ត្រានូវអ្វីដែលអ្នកត្រូវធ្វើក្នុងមួយថ្ងៃ ដើម្បីឲ្យដឹងថា អ្នកចំណាយពេលវេលារបស់អ្នកធ្វើអ្វីខ្លះ ដូចជា ៖ ម៉ោងប៉ុន្មានអ្នកក្រោកពីគេង អ្នកចំណាយពេលប៉ុន្មានសម្រាប់ការញុំាអាហារពេលព្រឹក ការសិក្សា ការធ្វើការងារ និងការលេងហ្វេសប៊ុក ជាដើម ព្រោះថាមនុស្សមួយចំនួនចំណាយពេលធ្វើកិច្ចការអត់ប្រយោជន៍ជាច្រើន ។ ការធ្វើបែបនេះ ជួយឲ្យអ្នកអាចរៀបចំពេលវេលាឲ្យមានតុល្យភាព រវាងពេលវេលាសម្រាប់ការងារ សម្រាប់ការសិក្សា និងសម្រាប់ជីវិតផ្ទាល់ខ្លួន។
២. អង្កេតមើលមនុស្សដែលគ្រប់គ្រងពេលវេលាប្រកបដោយប្រសិទ្ធភាព ៖ អ្នកអាចរកមើលអ្នកដែលប្រើពេលវេលា ប្រកបដោយប្រសិទ្ធភាព ដើម្បីមើលថា តើពួកគេរៀបចំពេលវេលារបស់ខ្លួនបែបណា តើពួកគេរួមបញ្ចូលការងាររបស់ខ្លួនបែបណា ហើយតើវាខុសគ្នាពីការរៀបចំពេលវេលារបស់អ្នកយ៉ាងណាខ្លះ?
៣. សួរអំពីការយល់ឃើញរបស់អ្នកដទៃចំពោះការគ្រប់គ្រងពេលវេលារបស់អ្នក ៖ អ្នកអាចសួរទៅកាន់នរណាម្នាក់ដែលអ្នកទុកចិត្ត និងដឹងច្បាស់អំពីរបៀបគ្រប់គ្រងពេលវេលារបស់អ្នក ដើម្បីឲ្យគេផ្តល់ការយល់ឃើញរបស់គេចំពោះសកម្មភាពរបស់អ្នក។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment