ប្រទេស ចិន ត្រូវបានគេមើលឃើញថាទំនងជាមិនចាត់វិធានការតឹងរ៉ឹងណាមួយដើម្បីឆ្លើយតបទៅនឹងទង្វើរបស់ប្រទេសកូរ៉េខាងជើង ដោយបានអះអាងថាខ្លួនបានបាញ់សាកល្បងគ្រាប់បែកអ៊ីដ្រូហ្សែនប្រកបដោយជោគជ័យ ដែលបណ្តាលឲ្យមានប្រតិកម្មយ៉ាងខ្លាំងពីប្រទេសមហាអំណាចនៅជុំវិញពិភពលោក ។ ប្រទេសជាច្រើននៅជុំវិញពិភពលោក ជាយូរមកហើយបានជំរុញឲ្យមហាយក្សអាស៊ី ចិន មានវិធានការតឹងរ៉ឹងមួយ លើសកម្មភាពអាក្រក់របស់កូរ៉េខាងជើង ដោយពួកគេចោទប្រកាន់ទីក្រុង ប៉េកាំង ថា បានគាំទ្រដល់ក្រុង ព្យុងយ៉ាង ដែលផ្តល់ឲ្យប្រទេស បង្កើនឥទ្ធិពលរបស់ខ្លួនដោយមិនខ្លាចច្បាប់អន្តរជាតិ។
លោក Zhu Feng អ្នកជំនាញខាងទំនាក់ទំនងអន្តរជាតិ ថ្លែងថា ឥទ្ធិពលចិន ទៅលើប្រទេសកូរ៉េខាងជើង បានកំពុងធ្លាក់ចុះខ្សោយទៅៗ ហើយបញ្ហាដ៏ធំគឺថាមេដឹកនាំកូរ៉េខាងជើង គឺមិនបានស្តាប់ប្រទេសចិនឡើយ ហើយពួកគេគឺជាមនុស្សរឹងរូសបំផុត។ ចំណែកទីក្រុង ប៉េកាំង បានអំពាវនាវឲ្យរក្សាការអត់ធ្មត់នៅក្នុងឧបទ្វីបកូរ៉េ ដែលកំពុងតែមិនសប្បាយចិត្តជាមួយទង្វើរបស់ កូរ៉េខាងជើង ដែលបាញ់សាកល្បងគ្រាប់បែកនុយក្លេអ៊ែរលើកទី ៤ របស់ខ្លួន។ គួរបញ្ជាក់ជូនថាខុសពីឪពុក Kim Jong Il មេដឹកនាំកូរ៉េខាងជើងបច្ចុប្បន្នមិនដែលទៅធ្វើទស្សនកិច្ចនៅប៉េកាំងឡើយចាប់តាំងពីឡើងកាន់អំណាច។
ចំណែកកូរ៉េខាងជើងវិញថ្លែង ថាការជំរុញឲ្យចិនចាត់វិធានការលើខ្លួន គឺជាការគេងចំណេញ លើទំនាក់ទំនងដ៏ល្អរបស់ចិនដែលជាប្រទេសតែមួយគត់ដែលការពារចំណងទូតជាមួយកូរ៉េខាងជើង ខណៈពេលចិនក៏កំពុងជួបភាពតានតឹងផងដែរក្នុងសមុទ្រចិនខាងត្បូងជាមួយប្រទេស អាស៊ាន និង ជប៉ុន និង អាមេរិក។
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment