១) ក្រុមរដ្ឋឥស្លាម ISIS បានដោះលែងមនុស្ស ២៧០ ក្នុងចំណោមមនុស្សប្រមាណជា ៤០០ នាក់ដែលជាជនស៊ីវិលភាគច្រើនជាស្ត្រីនិងកុមារ ដែលក្រុមនេះបានចាប់ពង្រត់កាលពីចុងសប្ដាហ៍មុន នៅពេលដែលសមាជិកក្រុមសកម្មប្រយុទ្ធរបស់ខ្លួន វាយដណ្ដើមបានតំបន់ Deir al-Zor ដែលកាន់កាប់ដោយរដ្ឋាភិបាលស៊ីរី។
២) ក្រុមហ៊ុន Apple អាចនឹងកំពុងធ្វើតេស្តសាកល្បងនូវបច្ចេកវិទ្យាមួយមានឈ្មោះថា Li-Fi ដែលមានសមត្ថភាពប្រតិបត្តិការលឿនជាង Wi-Fi ដល់ទៅ ១០០ ដង។ ប៉ុន្តែមិនទាន់ច្បាស់នៅឡើយទេថាក្រុមហ៊ុនប្រើប្រាស់បច្ចេកវិទ្យានេះដោយរបៀបណា ឬ វាប្រើតែសម្រាប់ជំនាន់ iPhone 7។
៣) ចក្រភពអង់គ្លេស អាចនឹងចេញច្បាប់ឆាប់ៗដើម្បីកំណត់ឲ្យក្រុមហ៊ុនបច្ចេកវិទ្យានៅក្នុងប្រទេសបង់ប្រាក់ពន្ធចំនួន ១ ០០០ ផោនក្នុងមួយឆ្នាំ ឬ ស្មើនឹង ១៤០០ ដុល្លារ សម្រាប់ការជួលកម្មករជំនាញមកពីតំបន់សហភាពអឺរ៉ុប។
៤) មានការព្រួយបារម្ភដ៏ខ្លាំងមួយថាមេជួញដូរថ្នាំញៀនដ៏គ្រោះថ្នាក់ជាងគេលើពិភពលោក Joaquin El Chapo Guzman អាចនឹងរត់ចេញពីគុករួចទៀតជាលើកទី ៣ ប៉ុន្តែអាជ្ញាធរ ប្រទេស ម៉ិកស៊ីកូ បានបង្កើនកម្លាំងសន្តិសុខយាម នៅក្នុងគុក និង នៅយាមមុខបន្ទប់ឃុំឃាំង ២៤ ម៉ោងលើ២៤ ម៉ោង។
៥) ក្រុមរដ្ឋឥស្លាមបានបញ្ជាក់ជាផ្លូវការហើយថា ជនដៃដល់ ដែលកាត់ក្បាលចំណាប់ខ្មាំងលោកខាងលិចមិនញញើតដៃឈ្មោះ Jihadi John ដែលលេចមុខក្នុងខ្សែវីដេអូកាត់ក្បាលមនុស្សច្រើនជាងគេ របស់ក្រុមរដ្ឋឥស្លាមបានបាត់បង់ជីវិតហើយ។
៦) ក្រុមសកម្មប្រយុទ្ធមួយក្រុមបានបើកការវាយប្រហារមួយទៅលើសាកលវិទ្យាល័យមួយកន្លែងនៅភាគខាងជើងប្រទេសប៉ាគីស្ថាននៅថ្ងៃពុធនេះបានសម្លាប់មនុស្សយ៉ាងហោចណាស់ ១៩ នាក់ ហើយមនុស្សច្រើនជាង ១២ នាក់បានរងរបួស។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment