នៅឆ្នាំ ២០៣០ ខាងមុខ ប្រទេសចិន អាចនឹងត្រូវក្លាយជាប្រទេសមហាអំណាចតែមួយគត់ ដែលគ្រប់គ្រងសមុទ្រចិនខាងត្បូង ដែលចិននឹងធ្វើឲ្យដែនទៅមួយនេះទៅជា បឹងរបស់ចិនវិញ (Chinese Lake) នេះបើតាមរបាយការណ៍ថ្មីរបស់ មជ្ឈមណ្ឌលសម្រាប់ការសិក្សាយុទ្ធសាស្ត្រអន្តរជាតិ CSIS (Center for Strategic and International Studies)។
ការកើនឥទ្ធិពលចិនក្នុងតំបន់ គឺដោយសារទីក្រុង ប៉េកាំង បន្តគម្រោងសាងសង់ នៅកោះសិប្បនិម្មិត ដើម្បីធ្វើជាមូលដ្ឋានយោធា និង ទីលានសម្រាប់យន្តហោះចុះចតនៅក្នុងដែនសមុទ្រចិនខាងត្បូង បន្ថែមពីលើនេះ កងទ័ពរំដោះប្រជាជនចិន PLA (People Liberation Army) បានផ្ដោតសំខាន់ទៅលើការពង្រីកសមត្ថភាពរបស់ខ្លួនដើម្បីប្រតិបត្តិការនៅក្រៅប្រទេស។
បើតាមការដងស្រង់ពីរបាយការណ៍នៃមជ្ឈមណ្ឌល CSIS បង្ហាញថា កងទ័ពរំដោះប្រជាជនចិន នៅពេលអនាគត នឹងធ្វើប្រតិបត្តិការ នៅតាមបណ្តាកោះមួយនួនក្នុងមហាសមុទ្រឥណ្ឌា ហើយការបង្កើនបេសកកម្មរបស់ កងទ័ពរំដោះប្រជាជនចិន នេះបង្កក្តីព្រួយបារម្ភយ៉ាងខ្លាំងដល់សហរដ្ឋអាមេរិក។ បើតាម មជ្ឈមណ្ឌល CSIS ដដែល ប្រទេសចិន នឹងធ្វើការវិនិយោគដ៏ច្រើនសន្ធឹកសន្ធាប់ ក្នុងការអភិវឌ្ឍ និង ដាក់ពង្រាយ នូវនាវាផ្ទុកយន្តហោះបន្ថែមទៀត។
នេះបញ្ជាក់ឲ្យឃើញថាចិនបានបង្កើនថវិកាចំណាយយ៉ាងច្រើនភ្លាមៗក្នុងវិស័យយោធា ដែលវាអាចធានាបានថានៅត្រឹមឆ្នាំ ២០៣០ ខាងមុខ សមុទ្រចិនខាងត្បូង នឹងក្លាយទៅជាបឹងចិនវិញម្តង ដែលនេះដូចអ្វីសហរដ្ឋអាមេរិកធ្វើកន្លងមកនិងកំពុងកាន់កាប់ សមុទ្រ Caribbean ឬ ឈូងសមុទ្រ Gulf នៃប្រទេសម៉ិកស៊ីកូមកធ្វើជារបស់ខ្លួននាពេលបច្ចុប្បន្ន។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment