១) យ៉ាងហោចណាស់មនុស្ស ៧ នាក់ស្លាប់ នៅក្នុងការបំផ្ទុះគ្រាប់បែកជាច្រើនកន្លែង នៅជុំវិញមជ្ឈមណ្ឌលផ្សារទំនើប Sarinah នៅកណ្ដាលក្រុង ហ្សាកាតា ប្រទេស ឥណ្ឌូណេស៊ី។ ប៉ូលិសថ្លែងថាការបំផ្ទុះនេះជាទង្វើវាយប្រហារភេរវកម្ម នេះបើតាមការរាយការណ៍របស់កាសែត The New York Times ចុងក្រោយបំផុត។
២) នៅក្នុងខ្សែវីដេអូមួយបញ្ចេញដោយសារព័ត៌មាន Reuters បានបង្ហាញពីសកម្មភាព យ៉ាងច្បាស់នៃក្រុមយោធាបដិវត្តឆ្មាំសមុទ្រ អ៊ីរ៉ង់ ចាប់ខ្លួនទាហានជើងទឹកអាមេរិក ១០ រូប បន្ទាប់ពីទូករបស់ពួកគេបានឆ្លងចូលដែលទឹកអ៊ីរ៉ង់ ក្នុងឈូងសមុទ្រ ពែក្ស។
៣) ប្រទេស រុស្សីនឹងបញ្ជូនសព្វាវុធ ទៅកាន់ប្រទេស អាហ្វហ្គានីស្ថាន នៅខែក្រោយដែលនេះជារឹតចំណងការទូត ការពង្រឹងវត្តមានបន្ថែមរបស់រុស្សីនេះគឺនៅចំពេលដែល បេសកកម្មយោធាអាមេរិកនៅក្នុងប្រទេសនេះមានការថយចុះ ជាពិសេសគឺការប្រយុទ្ធជាមួយក្រុម តាលីបង់ និង ក្រុមសកម្មប្រយុទ្ធផ្សេងទៀតក្នុងតំបន់។
៤) រដ្ឋមន្ត្រីក្រសួងសន្តិសុខជាតិសិង្ហបុរីលោក Teo Chee Hean ថ្លែងថា ប្រទេសរបស់លោកកំពុងបន្តឃ្លាំមើលស្ថានការណ៍ ជាមួយក្តីព្រួយបារម្ភ ដោយប្រទេសនេះបានរឹតបន្តឹងប្រព័ន្ធសន្តិសុខជាតិមួយកម្រិតថែមទៀត ក្រោយមានការបំផ្ទុះគ្រាប់ដ៏សាហាវឃោរឃៅនិង នៅកណ្ដាលទីក្រុងហ្សាកាតា ដែលបណ្ដាលឲ្យមនុស្សយ៉ាងហោចណាស់ ៧ នាក់ស្លាប់នៅថ្ងៃព្រហស្បតិ៍នេះ។
៥) ការវាយប្រហារដោយការបំផ្ទុះគ្រាប់បែកអត្តឃាតដែលសម្លាប់មនុស្ស ១០ នាក់នៅទីក្រុង អ៊ីស្តាន់ប៊ុល ប្រទេស ទួរគីកាលពីម្សិលមិញ ត្រូវបានអ្នកជំនាញថ្លែងថា នេះជាសញ្ញា នៃការផ្លាស់ប្តូរយុទ្ធសាស្ត្ររបស់ក្រុមភេរវជនរដ្ឋឥស្លាម ISIS។
៦) មន្ទីរបញ្ចកោណអាមេរិក បានកំពុងពិចារណា លើគម្រោងរបស់ទួរគី ក្នុងការបង្កើតកម្មវិធីហ្វឹកហាត់សម្រាប់ សកម្មប្រយុទ្ធ អារ៉ាប់ ស៊ុននី នៅតាមបណ្តោយព្រំដែន ប្រទេសទួរគី និង ស៊ីរី នេះបើយោងតាមសារព័ត៌មាន The Wall Street Journal។
ប្រភព៖Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment