១) ធ្វើអ្វីដែលជាចំណូលចិត្ត
តារាបាល់ទាត់ដ៏ល្បីល្បាញលំដាប់ថ្នាក់ពិភពលោកសញ្ជាតិ ព័រទុយហ្គាល់ Cristiano Ronaldo បានរៀបរាប់ថា លោកស្រលាញ់បាល់ទាត់ ប៉ុន្តែលោកមិនមានចិត្តចង់ក្លាយមនុស្សដ៏ពូកែម្នាក់ឡើយនៅពេលដំបូង លោកថាខ្លួនឯងជាក្មេងលេងបាល់តាមចិញ្ចើមផ្លូវ ហើយលេងដើម្បីតែភាពសប្បាយរីករាយប៉ុណ្ណោះ។ ថ្ងៃមួយឪពុកលោកប្រាប់ថាហេតុអ្វីបានជាមិនទៅចុះឈ្មោះលេខក្នុងក្លឹបបាល់ទាត់នឹងគេ។ ដូចគ្នាអញ្ចឹងដែរ ប្រសិនបើអ្នកស្រលាញ់ការងារអ្វីដែលអ្នកគួរតែចំណាយពេលភាគច្រើនដើម្បីធ្វើវា ព្រោះនៅថ្ងៃណាមួយអ្នកនឹងអាចសម្រេចការងារដែលអ្នកស្រលាញ់នោះជាមួយភាពជោគជ័យដែលមិននឹងស្មានដល់។
២) ត្រូវតែមានភាពប្រកួតប្រជែងនៅក្នុងខ្លួន
បើតាម Cristiano Ronaldo លោកថាលោកមិនត្រឹមតែប្រកួតប្រជែងដើម្បីតែជ័យជម្នះនៅលើទីលានប៉ុណ្ណោះទេ គឺលោកប្រកួតប្រជែងដើម្បីខ្លួនលោក ដើម្បីគ្រួសារ ដើម្បីសហគមន៍ប្រទេសទាំងមូល។ ដូច្នេះដើម្បីទទួលបានជោគជ័យពិតអ្នកមិនគួរគិតតែពីខ្លួនឯងពេកនោះទេ អ្នកគួរតែប្រកួតប្រជែងដើម្បីគ្រួសារ និង សង្គមអ្នកផងដែរ ព្រោះភាពជោគជ័យរបស់អ្នក និងជួយលើកសង្គមរបស់អ្នកឲ្យមានកិត្តិយស។
៣) ត្រូវតែទទួលយកការប្រកួតប្រជែងថ្មីៗជានិច្ច
ក្រោយផ្ទេរពីក្លឹបនៅព័រទុយហ្គាល់ មកកាន់ក្លឹប Manchester United ប្រទេសអង់គ្លេស Ronaldo បានជួយឲ្យក្រុមមួយនេះឈ្នះជើងឯងគ្រប់កម្មវិធីក្នុងស្រុកនឹងជើងឯកក្លឹបនៅអឺរ៉ុបទៀតផង មុនពេលផ្ទេរមកកាន់ Real Madrid នៅអេស្ប៉ាញ។ ដូចគ្នានៅពេលដែលអ្នកជោគជ័យក្នុងរឿងអ្វីមួយហើយអ្នកមិនគួរនៅមួយកន្លែងនោះឡើយ អ្នកគួរចាប់យកឱកាសណាមួយថ្មីទៀតដើម្បីធ្វើឲ្យខ្លួនឯងកាន់តែខ្លាំង និងពោរពេញដោយបទពិសោធន៍។
៤) ត្រូវដឹងពីអ្វីដែលជាចំណុចអាទិភាពរបស់ខ្លួន
នៅពេលដែលអ្នកដឹងថា ជំនាញណាមួយជាអាទិភាពរបស់អ្នក អ្នកគួរតែផ្តោតយកចិត្តទុកដាក់ឲ្យបានកាន់តែច្រើន ព្រោះថានៅពេលដែលអ្នកចំណាយពេលកាន់តែច្រើនជាមួយអ្វីដែលអ្នកពូកែនោះវានឹងធ្វើឲ្យជំនាញរបស់អ្នកកាន់តែមុតស្រួច។
៥) ប្រឹងប្រែងឲ្យអស់ពីសមត្ថភាព
ដូចអ្នកដឹងមកហើយថាជោគជ័យមិនមែនកើតចេញពីភាពមានលុយមួយមុខនៅឡើយ ការប្រឹងប្រែង ការព្យាយាម ការមិនបោះបង់ចោល ការផ្តោតយកចិត្តទុកដាក់ ការតាមដាន ការស្រាវជ្រាវ គឺសុទ្ធតែជាកត្តានាំមនុស្សទៅរកជោគជ័យ។
៦) ជឿជាក់លើខ្លួនឯងឲ្យខ្លាំងបំផុត
ច្បាស់ណាស់ថាប្រសិន បើគ្មានទំនុកចិត្តលើខ្លួនឯង អ្នកមិនអាចធ្វើអ្វីមួយបានសម្រេចដល់គោលដៅនោះឡើយ ភាពជឿជាក់ជាកត្តាដែលអាចវាយទម្លុះរាល់រនាំងឧបសគ្គទាំងឡាយ។
៧) លេងសម្រាប់ក្រុម
ទោះអ្នកខ្លាំងប៉ុណ្ណាក៏ដោយប្រសិនបើគ្មានការគាំទ្រពីសមាជិកក្រុម គ្មានការសហការពីក្រុម អ្នកប្រហែលជាមិនអាចទទួលជោគជ័យឡើយ។ ដូចគ្នាដែរ នៅក្នុងសង្គមទោះជាអ្នកពូកែប៉ុណ្ណាប្រសិនបើមនុស្សនៅជុំវិញមិនគាំទ្រ មិនសហការជាមួយអ្នក អ្នកក៏មិនអាចទទួលបានជោគជ័យក្នុងជីវិតដែរ។
៨) រីករាយជាមួយអ្វីដែលខ្លួនកំពុងតែមាន
ការចេះប្រៀបធៀបខ្លួនឯងទៅអ្នកដ៏ទៃអាចជារឿងល្អប្រសិនបើអ្នកមានមហិច្ឆតា ចង់អភិវឌ្ឍខ្លួនឯងឲ្យកាន់តែប្រសើរ ប៉ុន្តែបើការប្រៀបធៀបនោះងប់ងុលខ្លាំងពេក វាអាចនាំឲ្យអ្នកបរាជ័យទៅវិញគឺដោយសារតែចិត្តច្រណែន ឬ កំហឹង ដែលធ្វើឲ្យអ្នកបាត់បង់ការពិចារណា។ រីករាយជាមួយអ្វីខ្លួនកំពុងមាន បន្តធ្វើរឿងខ្លួនស្រលាញ់ ដើម្បីធ្វើឲ្យជីវិតរស់នៅបច្ចុប្បន្នភាពកាន់តែប្រសើរ។
៩) ត្រូវចេះបង្កការសប្បាយរីករាយ
អ្នកប្រហែលជាអាចចាំបាននៅពេលដែល Cristiano Ronaldo តែខ្លួនជាមនុស្សចាស់ទាត់បាល់នៅទីសាធារណៈ ដែលគ្មាននរណានឹងស្មានដល់ ដែលចុងក្រោយរូបគេបានធ្វើឲ្យមនុស្សភ្ញាក់ផ្អើលយ៉ាងខ្លាំង។ ចំណែកទិដ្ឋភាពនៅកន្លែងធ្វើការងារវិញ ក្នុងនាមជាអ្នកដឹកនាំគេ ក្នុងនាមជាសមាជិកក្រុមមួយរូប អ្នកមិនគួរតឹងរ៉ឹង ម៉ឺងម៉ាត់ពេកនោះទេ ពេលខ្លះត្រូវចេះបន្ធូរអារម្មណ៍ដោយបង្កភាពសប្បាយរីករាយជាមួយក្រុមការងារ។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment