Michael Jordan កើតនៅថ្ងៃទី ១៧ កុម្ភៈ ឆ្នាំ ១៩៦៣ លោក គឺជាតារាបាល់បោះអាជីពដែលមានភាពល្បីល្បាញ និង ជោគជ័យខ្លាំងបំផុត នៅសហរដ្ឋអាមេរិកដែលគ្មាននរណាអាចធ្វើបានឡើយ។ តើអ្វីខ្លះជាគោលការណ៍ជោគជ័យរបស់កំពូលតារាបាល់បោះរូបនេះ?
១) ប្រឹងប្រែងធ្វើការងារឲ្យសកម្ម ៖ ដូចអ្នកធ្លាប់ដឹងហើយថាភាពជោគជ័យមិនមែនកើតចេញពីលុយតែមួយមុខនោះទេ ការប្រឹងប្រែងឲ្យសកម្មក្នុងការងារទើបជាចំណុចជោគជ័យពិតប្រាកដរបស់បុគ្គលម្នាក់ៗ។
២) បណ្ដុះឆន្ទៈ ៖ ដើម្បីធ្វើការងារឲ្យជោគជ័យ ដើម្បីសម្រេចគោលដៅដែលប៉ងប្រាថ្នា នឹងមិនអាចកើតចេញជារូបរាងពិតនោះឡើយ ប្រសិនបើអ្នកគ្មានឆន្ទៈពិតប្រាកដណាមួយរបស់ខ្លួន។
៣) ធ្វើអ្វីដែលប្លែកពីគេ ៖ ច្បាស់ណាស់ថាដើម្បីជោគជ័យ មនុស្សម្នាក់ៗត្រូវមានយុទ្ធសាស្ត្ររៀងខ្លួន គំនិត ច្នៃប្រឌិតរៀងខ្លួន និង វិធីធ្វើរៀងខ្លួន ព្រោះអ្នកមិនអាចយកយុទ្ធសាស្ត្រមនុស្សដទៃដែលជោគជ័យ មកប្រើលើខ្លួនឯងដើម្បីជោគជ័យដូចគេបាននោះឡើយ។
៤) ហានបរាជ័យតាមវិធីខ្លួនឯងធ្វើ ដើម្បីជោគជ័យនៅថ្ងៃមុខ ៖ បរាជ័យគឺសុទ្ធតែជាមេរៀន ដែលអ្នកគួរចេះរៀនសូត្រពីវាដើម្បីជោគជ័យ ព្រោះបរាជ័យគឺជាវិធីមួយដែលអ្នករកឃើញ ថាអ្វីមួយនឹងមិនកើតឡើងទេ ប្រសិនបើអ្នកអនុវត្តយុទ្ធសាស្ត្របែបនេះ ឬ ទម្លាប់បែបនេះ។
៥) ដាក់ការដាក់ចិត្តឲ្យខ្ពស់ ៖ នៅពេលដែលអ្នកដាក់ចិត្តកាន់តែខ្ពស់ នោះអ្នកកំពុងប្តេជ្ញា និង ផ្តល់ភាពជឿជាក់ឲ្យខ្លួនឯង ដើម្បីធ្វើរឿងអ្វីមួយ ឲ្យដល់គោលដៅ ទោះបីមានឧបសគ្គច្រើនយ៉ាងណាក៏ដោយ។
៦) ត្រូវមានភាពវិជ្ជមានជានិច្ច ៖ ដូចអ្វីដែលព្រះពុទ្ធទ្រង់ប្រៀនប្រដៅថា ការគិតត្រូវ នាំមកនូវទង្វើត្រូវ ប៉ុន្តែដើម្បីគិតត្រូវ លុះត្រាតែអ្នកជាមនុស្សដែលមានចិត្តស្ងប់ ស្មារតីរឹងមាំដែលបានមកពីភាពវិជ្ជមានក្នុងខ្លួនអ្នក ចំណែកអារម្មណ៍បែបអវិជ្ជមានវិញ គឺនាំមកនូវកំហឹង ធ្វើឲ្យបាត់អស់នូវ ស្មារតីនិង បញ្ហារបស់ខ្លួន។
៧) ត្រូវស្គាល់ខ្លួនឯងឲ្យបានច្បាស់ ថាកំពុងធ្វើអ្វី ៖ ការស្គាល់ខ្លួនឯងច្បាស់ជាកត្តាមួយ ដែលជំរុញទៅរកភាពជោគជ័យ ព្រោះថាស្គាល់ខ្លួនឯង អ្នកបានដឹងយ៉ាងច្បាស់ថា អ្វីជាភាពខ្លាំង និង ភាពខ្សោយរបស់ខ្លួន ហើយអ្វីដែលអ្នកកំពុងធ្វើ គឺត្រូវផ្តោតទៅរកភាពខ្លាំងនៃខ្លួនឯង។
៨) ត្រូវមានចក្ខុវិស័យវែងឆ្ងាយ ៖ ចក្ខុវិស័យ វែងឆ្ងាយជាកត្តាដែលនាំអ្នកទៅរកភាពជោគជ័យ ឥតឈប់ឈរ ព្រោះថាមានចក្ខុវិស័យ នោះអាចធ្វើឲ្យអ្នកអាចឆក់យកឱកាសសម្រាប់អភិវឌ្ឍខ្លួនឯងរហូត។
៩) បញ្ឈប់ការដោះសា ៖ ការដោះសាចំពោះការពិតរបស់ខ្លួន មានន័យថាអ្នកកំពុងរត់គេចពីការពិត ការរត់គេចពីការពិត មិនអាចឲ្យមនុស្សទទួលបានជោគជ័យនោះឡើយ ព្រោះអ្នកកំពុងមិនទទួលស្គាល់ការពិតទាំងឡាយដែលខ្លួនអ្នក កំពុងមាន។
១០) អនុវត្តន៍ ៖ គ្មានផែនការ គម្រោង យុទ្ធសាស្ត្រ ណាមួយអាចជោគជ័យបាននោះឡើយប្រសិនបើគ្មានការអនុវត្ត ដូច្នេះបើចង់ជោគជ័យគួរឈប់អង្គុយស្រមៃ មកចាប់ផ្តើមអនុវត្តទើបប្រសើរ។
ប្រភព៖ Thebnews
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment